नेपाली ख्रीष्टियानहरुको एक साझा संजाल नेपाल ख्रीष्टियान समाजको १८ औं महासभा यहि बैसाख ३० गते देखि जेठ २ गते सम्म नेपाली इसाई मण्डली ज्ञानेश्वर चर्चमा हुने भएको छ । यस सभा सम्पन्न गर्नका लागि डा. तिर्थ थापाको संयोजकत्वमा ११ सदस्यीय महासभा आयोजक समिति पनि गठन गरिएको छ ।
यस सभामा नेपालका बरिष्ट पास्टर तथा ख्रीष्टियान अगुवाहरु, जिल्ला जिल्लामा भएका ख्रीष्टियान एकता समाजका प्रतिनिधिहरु, मण्डली तथा मण्डली समुहका प्रमुख तथा प्रतिनिधिहरु साथै विभिन्न संघसंस्थाका प्रतिनिधि गरि करिब ३५० जनाको उपस्थिति रहने बताइएको छ ।
यस सभामा मानव अधिकार तथा राज्य र ख्रीष्टियान समुदाय बीचको सम्बधका बारेमा छलफल गरिने बताइएको छ । त्यस्तै नेपालको सन्दर्भमा ख्रीष्टियान समुदाय र निर्माणाधीन संबिधानमा यस समुदायको भूमिकाका बारेमा पनि छलफल तथा सुझाव संकलन गरिने जनाइएको छ । समाजले सबै मण्डली तथा संघसंस्थाहरुलाई बिशेष भेटीको निम्ति अनुरोध गरेको छ ।
Discussion about this post