धर्म परिवर्तनमा पैसा, सत्य कि मिथ्या ?

लेखक: मिन्मा शेर्पा

नोट:यो लेख www.hellonepalkorea.com बाट लिइएको हो ।

विचार प्रस्तुत गर्नु पहीला म तपाई हरु संग विनम्र अनुरोध गर्न चाहन्छु कि कोहि कसैलाई चिढ्याउने मेरो चाहना होइन । नेपालमा ६२/६३ को परिवर्तन पछि संघियता र धर्म निरपक्ष नेपालको कल्पना गरियो र अन्तरिम संविधानले

नेपाल धर्म निरपेक्ष राष्ट्र भएको पारित गरियो यो संगै सबै मानिसले आफ्नो धारणा र अभिव्यक्ति स्वतन्त्रताको महसुस गरेका छन् । कुनै समय यस्तो पनि थियो, जतिबेला धर्मको कारणले नै मानिसहरु देश निकाला गरिन्थे । धर्म आस्था हो महशुस हो र मानिसलाई अनुशासित गराउने मध्यम हो । त्यसैले यो स्वतन्त्र हुनु पर्छ तर नेपालमा केहि त्यस्ता मानिस हरु छन् जसले हिन्दु धर्म बाहेक नेपालीले अरु धर्मको ज्ञान माथि विश्वास गर्नुलाई अपराध सरह ठान्दै भारतीय कानुनको उदाहरण दिने गर्छन् ।

खासगरी पछिल्लो समय क्रिश्चियनहरुको धार्मिक स्वतन्त्रता माथि गाली गलौज गरेको र त्यस्तै खालका रेडियो वा टेलिभिजन कार्यक्रम प्रस्तुत गरेको पाइन्छ उनीहरुको आरोप छ कि पैसा, डर धम्कि को मध्यम द्वारा क्रिश्चियनहरुले धर्म बदलि गरायो यो सरासर मिथ्य आरोप मात्र हो । सत्य यो हो कि क्रिश्चियनहरुले त्यो ज्ञान सदा राख्दछ कि दुखीको विचमा माया बढ्नु पर्छ त्यो हो परमेश्वर को वचन मेरो मतलब अरु संग दयाभाव छैन भन्ने होइन नेपाल गरिव छ नेपाली गरिव छन् । उनीहरुको विचमा जे छ त्यो बडी चुडी गर्नु कुनै अपराध होइन जुन क्रिश्चियनहरुले गरेका छन् ।

क्रिश्चियनहरुले पैसाको लोभ देखाउदै धर्म प्रचार गर्छ कि गर्दैन भन्ने कुरा त दक्षिण कोरियामा प्रस्ट देख्न सकिन्छ । यहाँ धेरै बिदेशी कामदार छन् कम्पनि बदल्दा होस् या साहुले तलब नदिदा चर्चमा नै बस्न दिएर कम्पनि खोजिदिने र तलब दिलाई दिने काम गरेको धेरैले देखेका कुरा हुन् । यसलाई के भन्ने लोभ देखाको भन्ने या मानवत यहाँ मानिस लाई काम छोडेर अरुलाई हेरी दिने फुर्सद खास कसैलाई हुदैन तर पनि प्राय चोक र बजार हरुमा येसुको बारेमा सु समाचार बडिरहेको हुन्छ चिया , कफी लगायत खाने कुरा बडीरहेका हुन्छ के यहाको मानिस १ कप चिया वा १ पुरी बिस्कुट पाउन नसक्ने छन् र? यहाँ के धनि वा गरिब को कुरा रहन्छ र?

क्रिश्चियन हरुलाई पैसाको आडमा धर्म परिवर्तन गरेको भन्ने ठोस प्रमाण पनि खास छैन खाली आरोप मात्र हो र येदि कसैले त्यस्तो गर्छ भने त्यो क्रिश्चियन कसरि हुन सक्छ ? क्रिश्चियनहरु यस कारण येशुको बारे बताउछन कि बाइबलले भनेको छ संसारको हरेको मानिसले येशुको बारे सुनोस विश्वास गर्ने वा नगर्ने उनीहरुको कुरा हो यो कुरा ख्रिस्तियन ले जानेका छन् त यो गर्ला जस्तो मलाई लाग्दैन के चर्चित गायिका अन्जु पन्तले कति पैसामा धर्म परिवर्तन गर्यो होला वा डा. मंगल मान महर्जन जस्ता व्यक्तिले पैसाको अभाबमा येशुलाई बिश्वास गरे होला ? त्यसैले धर्म परिवर्तन मा पैसा को कुनै सम्बन्ध रहदैन ।