अमेरीकाका फेथ सेन्टर चर्च,ग्लोेरी चर्च र रेस्क्यू लाइफ चर्चद्वारा ११५ परिवारलाई खाद्यान्न सहयोग

[ 0 ] May 20, 2020 |

कुमारसिं विष्ट । १८ मे २०२० । काठमाडौं ।

Kumar Singh Bist

    Kumar Singh Bist

अमेरीकास्थित विभिन्न तीन ओटा चर्चको आर्थिक सहयोगमा काठमाडौंमा विभिन्न स्थान ज्याला मजदुरी गरि खाने १ सय पन्ध्र घरधुरीलाई राहतस्वरुप खाद्यान्न सामग्री वितरण गरिएको छ ।

त्यसरी राहतस्वरुप अमेरिकाबाट रकम पठाउने चर्चहरुमा फेथ सेन्टर चर्च (पास्टर प्रदिप दास), ग्लोरी चर्च (पास्टर मनी राई) र रेस्क्यू लाइफ चर्च (पास्टर अलास लगुन) हुन् । त्यसैगरि माया दास, अस्मिता दर्जी र कमला महराले व्यक्तिगतरुपमा सहयोग गर्नु भएको थियो । फेथ सेन्टर चर्चका पास्टर प्रदिप दासको संयोजकत्वमा माथी उल्लेखीत अमेरीकाका तीन ओटा चर्चबाट १ लाख १७ हजार ५ सय ९४ रुपैयाँ प्राप्त भएको थियो । उक्त रकमबाट नै काठमाडौंका विभिन्न स्थानमा १सय १५घरधुरीलाई खाद्यान्न वितरण गरिएको हो । अमेरिकाका विभिन्न ३ ओटा चर्च परिवारबाट प्राप्त भएको उक्त रकमबाट तुरही अनलाइन पत्रिका र उपहार मिडियाको संयोजनमा काठामाडौंका विभिन्न चार स्थानमा ज्याला मजदुरी गरी खाने निम्न आय भएका एक सय पन्ध्र परिवारलाई राहतस्वरुप खाद्यान्न वितरण गरिएको हो । राहत वितरण गर्ने क्रममा यही मे नौं र तेह् तारिखमा काठमाडौंका विभिन्न चार स्थानमा राहत स्वरुप खाद्यान्न सामग्री वितरण गरिएको हो । पहिलो चरणमा ललितपुरको ढोलाहिटीमा स्थानिय समाजसेवी तथा पूर्व वडा अध्यक्ष कमल विष्ट र समाजसेवी तारा विकको संयोजनमा ३४ घरधुरीलाई राहतस्वरुप खाद्यान्न वितरण गरिएको हो । ३५ घरधुरीलाई खाद्यान्न वितरणकाक्रममा स्थानिय समाजसेवी कमल विष्टले विश्वव्यापी माहामारीको अवस्थामा अमेरिकाबाट स्थानियस्तरमा ज्याला मजदुरी गरिखाने परिवारका सदस्यहरुलाई खाद्यान्न सामग्री उपलब्ध गराई सहयोग गर्नुहुने पास्टर प्रदिप दासलगायत सम्पूर्ण चर्चहरुलाई धन्यवाद ज्ञापन गर्नु भएको छ ।

त्यसैगरि उक्त दिन नै ललितपुरको धोवीघाटमा पास्टर श्याम आलेको कुशल संयोजनमा ३५ घरधुरीलाई पनि राहतस्वरुप खाद्यान्न सामग्री वितरण गरिएको हो । पास्टर श्याम आलेले लकडाउनले गर्दा विहान वेलुकी छाक टार्न मुस्किलमा परेका ३५ घरधुरीका सदस्यहरुलाई अमेरिकाका तीन ओटा चर्चले आर्थिक सहयोग गरेर खाद्यान्न उपलब्ध गराउनु भएकोमा चर्च परिवारलाई धन्यवाद भन्नु भएको छ । राहत वितरणको दोस्रो चरणमा ललितपुरस्थित टौखेल परिसरमा इटा भट्टामा काम गर्ने १५ घरधुरी श्रमीकहरुलाई पनि राहतस्वरुप खाद्यान्न सामग्री वितरण गरिएको थियो । त्यसैगरि सोहि दिन टौखेलस्थित शान्ति चर्चको परिसरमा ज्याला मजदुरी गरि खाने ३० घरधुरीलाई पनि राहतस्वरुरुप खाद्यान्न वितरण गरिएको थियो । खाद्यान्न सामग्रीमा प्रत्येक परिवारलाई १५ केजी चामल, १ किलो नुन, १ पोका स्वायबिन वितरण गरिएको हो । त्यसैगरि यही राहत कोषबाट ललितपुरको नक्खुदेखि सल्यानमा पैदल हिडिरहेका २१ जनाको समूहलाई वाटो खर्च भनेर रु.५००० प्रदान गरिएको थियो भने घोवीघाटीस्थित प्रहरीको संयोजनमा अलपत्रमा परेकी एकल महिलाई रु.३००० पनि प्रदान गरिएको थियो

Facebook Comments

Category: News & Events


Warning: Use of undefined constant Ihrss - assumed 'Ihrss' (this will throw an Error in a future version of PHP) in /home/nepalchu/public_html/wp-content/themes/nc_theme/footer.php on line 4