सेवाकाईमा आउँदा, पछाडि़ बस्छ,
संसारिक कार्यक्रममा चाहिँ, अगिल्लो स्थान रुचाउँछ;
सङ्गतीमा भजन–स्तुति गाउँनु अल्छी गर्छ,
संसारिक कार्यक्रम्मा चाहिँ, उफ्री–उफ्री नाँच्छ ।
बचन शुरु हुँदा बाइबल होइन,
मोबाइल् पो निकाल्छ;
बचन पो हेरेको होला भन्दा,
Whatsapp र Facebook पो हेर्दै गरेको हुन्छ ।
राजनैतिक नेता वा मानिएको व्यक्ति आउँदा,
चुप–चापसँग बस्छ;
तर राजाहरुका राजा, प्रभुहरुको प्रभुको,
उपस्थितिमा भने चलमल र बात ज्याँदा गर्छ ।
पश्चिम देशको विश्वासीहरु,
घण्टौं सम्म प्रार्थना र आराधनामा मग्न हुँदा;
हाम्रोहरु आँधा घण्टा नपुग्दै थाकेर बस्छ,
यसैले कसरी पाउँछ र हाम्रोले आशिष,
परमेश्वरको आदर र सम्मान गर्नु नजान्नेले,
कसरी पाउँछ र आशिष ? कसरी पाउँछ र आशिष ?
पास्टर अजय राई,
सल्ले दक्षिण सिक्किम
Discussion about this post