सोमवारदेखि ‘द पोएट आइडल’ सीजन २ सुरु हुने

शनिबार, माघ २७, २०८०

काठमाडौं- टेलिभिजन रियालिटी शो ‘द पोएट आइडल’ सीजन २ यही माघ २९ गते सोमबारदेखि हिमालय टेलिभिजन र ओएसआर रियालिटी युट्युब च्यानलमा प्रसारणमा आउने भएको छ ।

राति ९ बजेदेखि प्रसारण हुने उक्त शोका निर्माता तथा निर्देशक अमनप्रताप अधिकारीले विभिन्न प्रायोजकसँग लिखित सम्झौता गरिसकेका छन् ।

वात्सल्य नेचुरल शीर्ष प्रायोजकको रुपमा रहने यस शोको यसपटकको सीजनमा अभिनेत्री केकी अधिकारी जजको रुपमा भित्रिएकी छिन् । अन्य तीन जज पहिलो सीजनकै दोहोरिनेछन् ।

सामाजिक सञ्जालमा फिल्मी अभिनेत्री केकी किन भन्ने प्रश्नहरु आएकोमा पत्रकार सामु सोहि विषयमा निर्देशक र अभिनेत्री अधिकारीले उक्त आलोचनाको खण्डन गरेका थिए ।

शोको कुल एपिसोड फिनालेलाई छाडेर ३० वटा हुने जानकारी गराइएको छ । यसपटकको सीजन २ को जजमा केकीसँगै विप्लव प्रतिक, उपेन्द्र सुब्बा र अनुप बराल रहनेछन् भने होस्टको रुपमा दिव्यदेव रहनेछन् ।

आयोजकले शोको विजेतालाई नगद १० लाख रुपैयाँसहित एक पुस्तक पनि सार्वजनिक गरिदिनेछ ।

www.khabardainik.com