मण्डली भवन निर्माणका लागि श्रमदान

सुसमचार प्रचार टोलिद्वारा मण्डली भवन निर्माणका लागि श्रमदान, गाँउगाउँमा उत्साहजनक प्रचार

सन्देश पौडेल, लमजुङ -लमजुङमा निर्माणाधिन मण्डली भवनका लागि सुसमाचारमा आएका टोलिले श्रमदान गरेका छन्। काठमाण्डौ स्थित बाइवल अध्ययन केन्द्र डिटिएचबाट सु समचारका लागि लमजुङ आएका आठजना प्रचारकहरुले लमजुङ सदरमुकाम बेसीशहरमा निर्माणाधिन अवस्थामा रहेको नवशान्ती एजी मण्डलीमा श्रम दान गरेका हुन। बिगत एक वर्षदेखि निर्माणाधीन अवस्थामा रहेको सो मण्डली भवन आर्थिक अभावको कारण अलपत्र अवस्थामा रहेको छ। करिव एक महिनाको लागि लमजुङका बिभिन्न गाँउमा सुसमचार प्रचारको लागि आएको टोलिले एक हप्ता सम्म सोहि मण्डलीमा रहेर श्रमदान गरेका थिए। समस्यापरेको बेलामा सुसमचार प्रचार टोलिले मण्डलीका बिश्वासी सँगै भएर निश्वार्थ श्रम सहयोग गरेकोमा मण्डलीका पाष्टर ठाकुर गुरुङले धन्यबाद ज्ञापन गर्नुभएको थियो। उहाँले अहिलेको आवश्यकता मण्डली भित्र वा बाहिर जहाँभएपनि बचन सँगै काम पनि गरेर प्रभुको गवाहि बन्नुपर्ने बताउनुभयो। पाष्टर गुरुङले टोलिलाई समूहमा रहदा वा एक्लै रहदा अन्यजातीहरुको बिचमा रहदापनि यस्तै किसीमका सहयोग गरेर प्रभूमा आत्मा जित्न आग्रह गर्नुभयो। सुसमचारिय टोलिले पूर्वी लमजुङको राइनस मोहोरियाकोट, पश्चिम लमजुङको नाल्मा, उत्तरी लमजुङको मालिङ लगायतका स्थानहरुमा सुसमाचार प्रचार गरेका थिए। “गाँउ गाँउमा सुसमचार प्रचार गर्दा हामीलाई कुनै बाधा भएन प्रभुले हामिलाई धेरै सहायता गर्नुभयो” प्रचार टोलिका अगुवा सुरेश पाण्डेले भने। गाँउका मानिसहरुले प्रभूको सुसमाचार निकै चाख दिएर सुनेका उनले बताए। “गाउमा रहेका बृद्धा देखि बालकसम्म सुसमाचार सुन्न र हामिले प्रस्तुत गरेका कार्यक्रम निकै रुचाएका थिए, बिश्वास गर्छु एक दिन उनिहरु प्रभुमा बाँच्नेछन्”।

सुसमचार टोलिले पवित्र धर्मशास्त्र बाइवलबाट प्रचार गर्नुको साथै गवाहि, बिभिन्न नाटक, गित नाच जस्ता अतिरिक्त क्रियाकलापबाट पनि सुसमाचारीय सन्देश दिएका थिए। टोलिले शनिवारको दिन स्थानिय मण्डलीहरुमा पनि गवाहि तथा पुनताजगिका लागि सुसमचारिय कार्यक्रम प्रस्तुत गरेका थिए। टोलिलाई स्थानिय गाँउलेहरुले खादा लगाएर सम्मान पूर्वक बिदाई समेत गरेका थिए। काठमाण्डौमा रहेको बाइवल तालिम केन्द्र डिटिएचले अधिराज्यभरका मण्डलीबाट पठाइएका बिश्वासीहरुलाई पाँच महिना अवधीको ख्रिष्टिय अगुवापन तालिम प्रदान गर्दै आएको छ। तालिममा बाइवलको अध्ययन, सुसमचार प्रचार, आत्मीक जाग्रिती, लगायतका बिभिन्न ब्यबहारिक ज्ञान सिप समेत सिकाउदै आएको छ। तालिममा बिषयगत तथा बस्तुगत र प्रयोगात्मक कक्षा सञ्चालन गरिदै आएको छ।