काठमाडौं- चैत्र १५, आज पुतलीसडक बेथशालोम चर्च काठमाडौंमा पास्टर, अगुवा सम्मेलन सम्पन्‍न भएको छ। डेभिड चुङ मिनिष्ट्रि इन्टरनेशनलद्वारा आयोजित सम्मेलेन दिउँसो १ बजेदेखि बेलुकी ५ बजेसम्म भएको थियो। सम्मेलनमा विभिन्न तीन जना व्यक्तिहरूले प्रशिक्षण गर्नुभएको थियो। उपत्यकाका पास्टर अगुवाहरू निकै उत्साहित भएको कुरा सहभागि पास्टरहरूले बताउनु भएको थियो। सम्मेलनमा मण्डलीको अगुवा कस्तो हुनुपर्छ भन्ने विषयमा सिकाइएको थियो। त्यसैगरी अगुवाले प्रार्थनाको जीवन जिउनुपर्छ भन्ने विषयमा सिकाइएको थियो। वक्ताले अगुवाको जीवन प्रार्थनामा विताउनुपर्छ भन्ने विषयमा प्रशिक्षण गरिरहँदा सोध्‍नुभएको थियो, “तपाईहरू कतिजनाले दिनमा २ घण्टा प्रार्थना गर्नुहुन्छ? सहभागिहरूबाट ३जनाको मात्रै हात उठेको थियो। त्यसै गरी दिनमा एक घण्टा प्रार्थना गर्ने कति जना हुनुहु्न्छ भन्दा ६/७ जनाको हात उठेको थियो। ” प्रार्थनामा धेरै समय विताउनेहरूलाई परमप्रभुले अचम्म प्रकारले आशिष् दिनुहुन्छ भनि वक्ताले उत्साह दिनुभएको थियो। अब परमेश्वरको राज्य विस्तार गर्न मण्डलीहरूमा धेरै प्रार्थानाको आवश्यकता भएको कुरा पनि बताउनुभएको थियो।
सोहि समयमा डेभिड चुङले चेला बनाउनमा अगुवाहरू मण्डलीहरू अगि सर्नुपर्ने कुरामा जोड दिनुभएको थियो।
DCMI ले राजधानीमा विभिन्न स्थानहरूमा विभिन्न कार्यक्रमहरू राख्दै छ। निम्न मिति र स्थानहरूमा कार्यक्रमहरू हुँदैछन्:
भोलि बाल संगतिका शिक्षकहरूको लागि पाटन क्वाइनोनिया चर्चमा। त्यसैगरी व्यापारीहरू तथा व्यवासायिहरूको लागि गेतसमनी मण्डली कोटेश्वरमा राखेको छ।

सूचना ! सूचना !! सूचना !!!
यहि आउने २०७४ सालको ईष्टर सुसमाचारिय महोत्सवको लागि गाडी अथवा वसको व्यवस्था गरिएको बारेमा तल निम्न मिति, स्थान, समयमा निम्न व्यक्तिको संयोजकत्वमा गाडी व्यवस्था गरिएको छ ।

मिति :- २०७४ साल चैत्र १७ गते, शनिवार
गाडिको समय :- ११:३०-१२:०० बजेसम्म 
कार्यक्रम :- युवा तथा बालबालिका ( सम्भव भए अभिभावकहरू पनि)