एनबिसिबिएसको साधारण सभा सम्पन्न, नयाँ समिति गठन

भाद्र १६, शुक्रवार, ललितपुर । नेपाल विश्वविद्यालय ख्रीष्‍टियन विद्यार्थी संगितको वार्षिक साधारण सभा ललितपुर स्थित एनबिसिबिएस कार्यालयमा सम्पन्न भएको छ । वार्षिक सधारण सभामा एनविसिविएसको सिओआर समिति, सिजिएफ सिमिति र सिबिस समितिबाट तीन-तीन जना प्रतिनिधि छनौट गरेर साधारण सभाले ९ सदस्यीय नयाँ समिति गठन गरेको छ। ९ जनाको समितिबाट नेपाल विश्वविद्यालय ख्रीष्‍टियन विद्यार्थी संगतिको बोर्डमा अध्यक्षमा पास्टर टंक सुबेदी, उपाध्यक्ष चन्द्र गुरूङ,  सचिव आशिष् खड्का र कोषाध्यक्षमा तिमोथी भण्डारीलाई मनोनयन गरेको छ। सदस्यहरूमा घनश्याम दाहाल, भरत पाण्डे, ज्योति तामाङ, शान्ति लामा र प्रतिज्ञा दुलाललाई छनौट गरेको छ।

साधारण सभामा आराधना संगतिपछि एनबिसिएसका निवर्तमान अध्यक्ष घनश्याम दाहालले स्वागत मन्तव्यका साथै वचनबाट भजनसंग्रह १ अध्यायबाट चारवटा मुख्य बुँदाः dirction, destination, discipline & diligence मा आधारित भएर वचन बाँड्नुभएको थियो। पापी र दुष्टहरूको सल्लाह र संगतमा नहिँड्ने, नउभिने र नबस्ने तर परमेश्वरको व्यवस्थामा दिनरात मनन गर्ने व्यक्ति नै खोलाको किनारमा रोपेको रूखजस्तो फलवन्त हुने कुारमा उहाँको जोड थियो ।
त्यसपछि डा. नारायण महर्जनले औपचारिक कार्यक्रमका निम्ति प्रार्थना गर्नुभएपछि संस्थाका महासचिव शरद लामाले वार्षिक प्रगति प्रतिवेदन तथा विभिन्न क्षेत्रका विद्यार्थीहरूका गवाहीको श्रव्यदृश्य पनि प्रस्तुत गर्नुभयो ।
सोहि समयमा, सभाका निवर्तमान अध्यक्ष घनश्याम दाहालले पुरानो समितिको दुइ वर्षको कार्यकाल समाप्त भएकोले पुरानो समिति विघटन भएको घोषणा गर्नुभएको थियो। नयाँ समिति छनौट तथा निर्वाचन गराउनको लागि रूपमा विदुर अधिकारीले निर्वाचन आयुक्तको भूमिका निर्वाह गर्नुभएको थियो।
नवनिर्वाचित कार्यसमितिका पदाधिकारीहरूको नाम घोषणापछि ललितपुर नर्सिङ क्याम्पसकी प्राध्यापक श्रीमती विष्णु राईले एनविसिविएसको सुरूको बेलाको संगतिको पनि स्मरण गराउँदै, नवनिर्वाचित कार्यसमितिका पदाधिकारीहरूको लागि प्रार्थना गर्नुभएको थियो।