भुकम्पको क्षति विवरण, राहत वितरण तथा व्यवस्थापन बुझ्न राष्ट्रपति धादिङमा (थप तस्वीरहरू सहित)

धादिङ, २६ जेठ, राष्ट्रपति डा रामवरण यादवले धादिङ जिल्लाको उत्तरी भेग भुकम्प प्रभावित क्षेत्र सेरतुङ गाविसामा क्षति भएका घरहरूको निरीक्षन गरेर स्थानीयहरूसँग बसेर थप क्षति बिवरण र राहत वितरण र व्यवस्थापनको जानकारी लिनुभएको थियो। सेरतुङमा राष्ट्रपति डा रामवरण यादव, अर्थमन्त्री डा रामशरण महत, सभासद तथा सदभावना पार्टीका अध्यक्ष राजेन्द्र महतो लगायतको टोलीले धादिङ जिल्लाको उत्तरी क्षेत्र सेर्तुङ गाविसको स्थलगत भ्रमण गर्नु भएको थियो।

राष्ट्रपति डा रामवरण यादवले सेरतुङ गाविसमा भुकम्पले पुर्‍याएको क्षति र राहत वितरण तथा व्यवस्थापन सम्बन्धि जानकारी लिइसकेपछि देसमा आपत परेको बेला नेपाल सरकारले गरेको कामको सह्राना गर्दै पहाडेहरूलाई आपत पर्दा तराइबासीहरूले सहायता गरेको र तराइमा समस्या पर्दा पहाडीहरूले सहायता गरेको बताउदै सबै मिलेर निर्माण गर्ने कुरामा लाग्न आग्रह गर्नुभएको थियो। त्यसै गरी अर्थमन्त्री डा रामशरण महतले भुकम्पले ठूलो क्षति पुर्‍याएकोबेलामा नेपाल सरकारले तत्कालै हेलिकोप्टरबाट घाइतेको उद्धार गरेको बताउदै यति बेला संस्थाहरूलाई राहत वितरण गर्न आग्रह गरेको बताउनु भएको थियो। दुर्गम क्षेत्रहरूमा बाटो नहुदा राहत बितरणमा कठिनाइ भएको कुरा बताउनु भएको थियो। सरकारले अस्थायी आवासको लागि १५००० का दरले नगद दिदै आएको छ। वर्षायाममा तीन महिनाको लागि खाद्यान्न संचय गरेको कुरा पनि बताउनुभएको थियो। अब घर बनाउदा नक्सा अनुसार मात्रै अर्को वर्षदेखि बनाउन सुरू गर्ने कुरा बताउनुभएको थियो।

श्रोतका अनुसार राष्ट्रपति डा रामवरण यादव गोर्खा जिल्लाको सौरपानीमा भूकम्प प्रभावित क्षेत्रको निरीक्षणपछि धादिङ जिल्लाको सदरमुकाम धादिङबेँसीमा जिल्ला दैवी प्रकोप उद्धार समितिद्वारा आयोजित कार्यक्रम पछि मात्रै भुकम्प प्रभावित सेर्तुङ गाविसमा आउनु भएको थियो।

सोही समयमा स्थानिय सेर्तुङ विजय चर्चको आयोजनामा सेर्तुङ गाविसका ११०० घरधुरीलाई (परिवारलाई) चामल, दाल, तेल र नुन आइटीनद्वारा वितरण कार्यक्रम थियाे। पिसीसीआरसँग सहकार्य गरेर आइटीनद्वारा वितरण गरिएको कार्यक्रमले सेरतुङ गाविसका सबै वडालाई समेटेको थियो। वडा नं १,२ का वासिन्दालाइ राहत लिन आउन झण्डै २ घण्टा पैदल गर्नु पर्थ्यो भने वडा नं ९ का वासिन्दालाई हिंड्ने बाटो पनि खतरा भएकोले र सुख्खा पहिरो आउने भएकोले हेन्थुङ वडा नं ९ को लागि त्यही नै हेलिकोप्टरबाट राहत पुर्‍याउन कुरा राहत वितरण तथा व्यवस्थापन समितिसँग कुरा भएको थियो। अर्थमन्त्री डा रामशरण महत र सदभावना पार्टीका अध्यक्ष तथा सभासद राजेन्द्र महतोले राहत वितरण स्थानमा गएर अवलोकन गर्नुभएको थियो।