साँगा शालोम एजी चर्च भवन समर्पण

मिति २०७२ असोज १७ गतेका दिन साँगा शालोम एजी चर्च भवनको समर्पण कार्यक्रम साँगा, काभ्रेमा सम्पन्न भएको छ। समर्पण कार्यक्रममा चर्चभवनको निम्ति प्रार्थना र आर्थिक सहयोग गर्ने विभिन्न संस्था र चर्चहरूबाट पास्टर अगुवाहरू तथा  पाहुनाहरूलाई निमण्त्रना गरिएको थियो। पास्टर नविन सुनुवारले चर्च भवनकको ढोकाको रिबन काटेर उद्घाटन गर्नुभएको थियो, साथै उद्घाटनको प्रार्थना पनि गर्नुभएको थियो। समर्पणको सेवामा बाइबलबाट प्रवचन र समर्पणको प्रार्थना पास्टर एन पि प्रधानले गर्नुभएको थियो।

साँगा शालो चर्चले भाडाको एउटा घरमा संगति गर्दै आएको थियो। २०७२ बैशाख १२ गतेको भुइचालो पछि उक्त घरमा घरबेटीले संगति गर्न नदिएपछि चर्च भवनको आवश्यकता भएको थियो। विभिन्न व्यक्तिको सुझाव सल्लाह, प्रार्थना र आर्थिक सहयोगले शालोम चर्चले  १० वर्षको लागि जग्गा भाडामा लिएर चर्च भवन निर्माण गर्न सफल भएको कुरा स्थानिय चर्चका पास्टर निर्मल तामाङले बताउनुभएको थियो।

मदर चर्च (शालोम चर्च) भक्तपुरका पास्टर मित्र सुनुवारले आर्थिक सहयोग गर्ने विभिन्न चर्चहरू, ख्रीष्टियान संस्थाहरू र व्यक्तिहरूलाई धन्यवाद ज्ञापन गर्नुभएको थियो। धन्यवादकै क्रममा पास्टर मित्र सुनुवारले आइटीनबाट चर्च भवनको छानाको लागि राम्रो क्वालीटीको जस्तापाता र चर्च भवनको नमूना र थप सल्लाह पाएर कार्य सम्पन्न भएकोमा खुसी प्रकट गर्नुभएको थियो। रेभ सेत तामाङको प्रार्थानाद्वारा कार्यक्रमको विसर्जन भएको थियो।  थप तस्वीरहरू: