पोखरेली ख्रीष्‍टिय समुदायबाट राहत वितरण

१२ जेठ पोखरा- २०७२ बैशाख १२ गतेको महाभुकम्पले नेपाल देशमा भएको ऐतिहासि भौतिक र मानविय क्षतिले सिङ्‍गो राष्ट्रलाई दुखित बनाएको छ। यस्तो अवस्थामा पोखरेली ख्रीष्टिय समुदायले पनि राहत वितरण कार्यक्रम गरेको छ। पोखरेली ख्रीष्‍टिय समुदाय अन्तर्गत असल छिमेकी नेपालले भुकम्प पिडितहरूलाई विभिन्न क्षेत्रहरूमा राहत वितरण कार्यक्रम गरेको छ। पोखरेली ख्रीष्टिय समुदायले नुवाकोट, गोर्खा, धादिङ, तनहुँ लमजुङ र पर्वत जिल्‍ला गरी लगभग ५५०० घरधुरीलाई राहत वितरण गरिसकेको कुरा प्रकोप व्यवस्थापन समितिका सदस्य विजेस श्रेष्‍ठले बताउनु भयो। सबैभन्दा ठूलो मात्रामा गोर्खा जिल्‍लाको १२ वटा गाविसमा राहत वितरण भएको छ भने सबै भन्दा कममात्रामा पर्वत जिल्‍लामा भएको छ। राहतमा खाद्यन्‍न जस्तै दाल, चामल, तेल, नुन, क्यान्डल र केही मात्रामा त्रिपाल वितरण गिरएको कुरा श्रेष्ठले बताउनुभएको छ।
पोखराका चर्चहरूबाट राहत संकलन भएको हो। पोखराभन्दा वाहिरका केही चर्च, र विदेसमा रहेका मित्रहरूबाट पनि राहत प्राप्‍त भएको छ राहत वितरणको लागि पोखरेली ख्रीष्‍टियान समुदायका चर्चहरूबाट केही व्यक्तिहरू र स्थानिय गाविस सचिव, स्थानिय व्यक्तिहरूबाट नै वितरण गरिएको थियो।
पहिलो चरणको खाद्यान्‍न वितरणको काम सकिएपछि दोस्रो चरणमा पोखरेली ख्रीष्टियान समुदाय र असल छिमेकी नेपालले एउटा गाविसमा पुननिर्माणको काम गर्ने योजना रहेको छ। पुननिर्माणमा शिक्षा, स्वास्थ्य, जस्ता पाता वितरण, खेतीको लागि विउ वितरणका साथै अति आवश्यक कार्य गर्ने भएको छ।