नेपालमा धार्मिक सहिष्णुता र बैदेशिक हस्तक्षेप

बोष्टर मिडिया प्रालिद्वारा आयोजित नेपालफ्लोरिडा डटकमको उदघाटन तथा सम्मान समारोह अनामनगरमा सम्पन्न भएको छ। सोहि अवसरमा नेपालमा धार्मक सहिष्णुता र बैदेशिक हस्तक्षेप विषयक अन्तरक्रिया कार्यक्रम समेत आयोजना गरिएको थियो।

परराष्ट्रमन्त्री महेन्द्र बहादुर पाण्डेले पानसमा बत्ति बालेर नेपालफ्लोरिडा डटकमको उद्घाटन गर्नुभएको हो। नेपालमा धार्मिक सहिष्णुता र बैदेशिक हस्तक्षेप विषयक अन्तरक्रिया कार्यक्रममा बोल्दै धर्म स्वतन्त्र रहने र धर्म कसैले भनेको भन्दैमा परिवर्तन पनि नहुने बताउनुभएको थियो। धर्म आफ्नो मनले लिइने हो कसैको करकापमा र लोभ लालच देखाएको भन्दैमा परिवर्तन हुदैंन र मिल्दैन पनि। नेपालफ्लोरिडा डटकमलाई सफलताको कमना दिदैं अनलाइन अहिलेको अवस्थामा निकै सशक्त हुदै गएको पनि मन्त्री पाण्डेले बताउनुभएको थियो।

कार्यक्रममा बोस्टर मिडियाबाट प्रकाशित नेपालफ्लोरिडाको शुभारम्भसँगै विभिन्न क्षेत्रबाट देशको विकासमा टेवा पुर्‍याउने, सुसुचित पार्ने, व्यवसायी, पत्रकार, राजनीतिज्ञ लगायत१३ महत्वपूर्ण व्यक्तिहरूलाई सम्मान गरिएको थियो। डा.अर्जुन सिंह, चित्रबहादुर रसायली, गान्धि गौतम, भवि शर्मा, बलराम न्यौपाने र सकिला पाठक सम्मानित भएका थिए।

कार्कयक्रममा बोल्दै पत्रकार ऋषी धमलाले धर्म आफ्नो मनदेखि मान्ने हो कसैको हस्तक्षेप हुनुहुदैन धार्मिक स्वतन्त्रता हुनुपर्छ भन्ने कुरालाई जोड दिनुभएको थियो। त्यस्तै कार्क्रममा बोल्दै डा. अर्जुन सिंहले जुनसुकै देशमा धर्म मान्न स्वतन्त्र छ। कुनै पनि देश छैन जहाँ करकापले धर्म मानिएको होस् अनि नेपालमा धर्म मान्न कसैको करकाप कसरी हुन्छ? बैदेशिक हस्तक्षेप धर्ममा हुँदैन भन्ने कुरा बताउनुभयो।

बोस्टर मिडियाका अध्यक्ष मुकुन्द ढुङ्गानाले कार्यक्रममा सम्मानित व्यक्तिहरूलाई शुभकामना दिंदै सबैको सहयोगले मात्र बोस्टर मिडिया यहाँसम्म आउन सफल भएको हो भन्नुभयो र आगामी दिनहरूमा पनि उत्कृष्ट कार्यक्रमहरू ल्याउने बताउनुभयो।