मुक्ति मण्डली घोराहीको वार्षिक अगुवा सम्मेलन सम्पन्न

२०७१ असोज २ देखि ४ गतेसम्म मुक्ति मण्डली घोराहीको ‌छैठौं वार्षिक अगुवा सम्मेलन मुक्ति मण्डली घोराही दाङमा सम्पन्न भएको छ। सम्मेलनमा प्यूठान, रोल्पा र दाङ जिल्लाका मण्डलीहरूबाट लगभग १०० जना अगुवाहरूको उपस्थिति रहेको थियो।

विगत ५ वर्ष यता मुक्ति मण्डलीको वृद्धिको क्रम बढ्न थालेपछि पास्टर एल्डरहरूलाई अगुवा निर्माणमा चुनौति थपिदै आएको छ। विशेष गरि पहाडि जिल्लाहरूमा केही गर्न सक्ने युवाहरू रोजगारीको खोजिमा विदेशतिर जाने क्रम पनि बढिरहेको छ। कहिले काँहि केही समस्या आइपर्‍यो भने गाउँमै पुरूष पाउन निकै गाह्रो छ। यसको एउ

टा उदाहरण रोल्पा जिल्लाको लापाल गाउँलाई लिन सकिन्छ। लापाल मण्डलीमा २ /३ जना मात्रै पुरूषहरू छन्। मण्डलीमा सेवा संगति गर्ने, शिक्षा दिने काम दिदी वहिनीहरूले गर्दै आएका छन्। मण्डलीको वृद्धि धेरै भएको छ साथै अगुवाहरूको खाँचो पनि त्यतिकै छ। लापाल गाउँमा भैपरि आउने कामहरू सबै महिलाहरूले गर्दछन्। यो समस्या गाउँको वा मण्डलीको मात्रै नभएर सिंगो राष्ट्रको हो।  शिक्षित, खुबी भएका युवा शक्ति जति वाहिर भएपछि देशमा विकासका कामहरूमा पनि ठूलो चुनौति छ।  वर्तमान अवस्थामा जति मण्डली वृद्धि हुँदैछन् त्यतिकै समस्याहरू पनि थपिदैछन्। बाइबलको शिक्षा अनुसार मण्डलीलाई व्यवस्थित बनाउन र अगुवा निर्माणका सम्बन्धिका विषयहरू समावेस गरिएका थिए।

बढ्दै गरेको मण्डलीहरूमा अगुवा निर्माणको कार्य गर्नलाई बाइबलको आधार, इमान्दारिता, जिम्मेवारीहरू (व्यवस्थापन), अगुवाको चरित्र, गुणहरू, वरदानहरू र अभ्यास सम्बन्धिका विषयहरू सम्मेलनमा समावेष गरिएका थिए। ख्रीष्टको मण्डली निर्माण गर्न परमेश्वरले असक्षमलाई सक्षम अथवा असम्भवलाई सम्भव बनाएका प्रसस्त बाइबलका उदाहरणले सम्मेलनमा उपस्थित अगुवाहरूलाई निकै उत्साहित बनाएको थियो। १०० जनाको लागि संगति गर्ने ठाउँ साँघुरो थियो। जस्ता पाताले बेरेर बनाइएको थियो र जस्ता पाताकै छाना भएकोले निकै गर्मी पनि थियो। तर पनि सम्मेलनमा उपस्थित अगुवाहरू सेवा संगतिको लागि निकै उत्साहित हुनुहुन्थ्यो, लगातार एक/ डेढ घण्टाको कक्षामा पनि सुन्नमा उत्साहित हुनुहन्थ्यो।

विहिवार र शुक्रबार विहानदेखि बेलूकासम्म सम्मेलनका वक्ता सर्जु रिजालले सिकाउनु भएको थियो। सैद्धान्तिक विषयको कक्षापछि ठाउँ र परिस्थित अनुसार व्यवहारिक हुनको लागि अर्थात बाइबलको शिक्षा अनुसार व्यवाहारिक बनाउनको लागि उपस्थितहरूलाई १३ वटा समूहमा विभाजन गरिएको थियो। सामूहिक छलफलद्वारा बाइबलको शिक्षा अनुसार ठीक निष्कर्ष निकालेको कुरामा उपस्थित अगुवाहरू ढुक्क भएको र आगामि दिनहरूमा यि कुराहरूलाई प्रयोग गर्न उत्साहित भएको कुरा सहभागिले नै गवाही दिनुभएको थियो। पास्टर राम बहादुर पुन र ६ जना एल्डरहरूले सबै मण्डलीमा पास्टरिय सेवा पुर्‍याइरहनुभएको छ। आइटीन पाठ्यक्रमले मण्डलीमा आबश्यक शिक्षा, तालिम, परामर्स दिएको छ। अहिले स्थानिय विश्वासीहरूले सेवा गर्ने थप जिम्मा पाउनुभएको छ।