पवित्र चर्च, धरान पूर्वाञ्चल क्षेत्रकै पहिलो चर्च

पवित्र चर्च धरान सन १९६८ मा स्थापना भएको हो। पूर्वाञ्चल क्षेत्रमा प्रेरणाको श्रोत पवित्र चर्चलाई मान्न सकिन्छ। यस मण्डलीका संस्थापक प्रेरित स्वर्गिय डि आर थुलुङ हुनुहुन्छ। पवित्र चर्च नेपालको चौथो मण्डलीको रूपमा रहेको छ। विशप ज्योति थुलुङले चर्चमा पास्टरीय सेवा पुर्‍याइरहनुभएको छ। हाल धरानमा लगभग ४५ वटा चर्चहरू छन्। मण्डलीमा बाइबलको शिक्षा अनुसार बलियो बनाउन आइटीनद्वारा संचालित (घर घरै बाइबल कलेज) धर्मशास्त्रको क्रमिक अध्ययन विभिन्न मण्डलीहरूमा एकदशकदेखि अध्ययन हुँदै आएका छन्। हाल छोटो अध्यनका बाइबल स्कूल पनि सञ्चालनमा छन्। धरान क्षेत्रको बारेमा अझै बुझ्ने हो भने, पूर्वाञ्चल विकास क्षेत्रमा अवस्थित धरान, नेपालकै एक सुन्दर तथा विविध सांस्कृतिक विविधता भएको सहर हो ।  यसको ऊँचाई ११४८ फिट (३४९ मी.) छ। धरान शहरबाट उत्तरतिर पहाड सुरू हुन्छ भने दक्षिणतिर तराई सुरू हुन्छ। विकिपिडिया अनुसार, धरानमा गोर्खा सैनिक भर्ती केन्द्रको रूपमा थियो, यसको स्थापना सन् १९५३मा भएको थियो। गोर्खा भर्ती केन्द्र बन्द भएपछि सन् १९९३ देखि यसको प्रयोग बी.पी. कोइराला स्वास्थ्य विज्ञान प्रतिस्ठान संस्थाको रूपमा  हुँदै आइरहेको छ। आधुनिक धरान सहरको स्थानमा सुरुमा घना जङ्गल थियो। जङ्गल फँडानीका क्रममा काठ चिर्ने आरावालाहरुले तयार गर्ने गरेको धरान (धराप) बाट नै आजको धरान सहरको नामकरण भएको भन्ने भनाई छ । वि.स. १९५० तिर घना जङ्गल फँडानी गरेर सानो बस्तीबाट सुरुवात भएको धरान, वि.स. १९५९ मा तत्कालीन राणा प्रधानमन्त्री श्री ३ चन्द्र शमशेरले चन्द्रनगर (हाल पुरानो बजार) र वि.स. १९९० तिर श्री ३ जुद्ध शमशेरले जुद्ध नगर (हालको नयाँबजार) बसालेको इतिहासमा पाइन्छ ।   सन् २०११ को जनक्षणना अनुसार धरानको जनसंख्या ११९,१९५ छ जसमध्ये ४८% पुरूष र ५२% महिला छन्। एउटा चर्चको आँगनबाट वा छतबाट अर्को चर्च सजिलै देख्न सकिन्छ। यहाँ विभिन्न धार्मिक आश्था बोकेका मानिसहरूको बाक्लो वस्ती छ।