उपत्यकाव्यापी पुनरूत्थान महोत्सव २०७१

काठमडौं – उपत्यकाका चर्चहरूको संयूक्त आयोजनामा बैशाख ७ गते येशू ख्रीष्ट मृत्यूबाट पुनरूत्थान अर्थात जीवित हुनुभएको दिन इष्टर सण्डे महोत्सव जावलाखेल मैदानमा भव्यरूप सम्मपन्‍न भएको छ। उपत्यका (ललितपुर र काठमाडौं) का चर्चहरूको संयूक्त आयोजनामा भएको २०७१ उपत्यकाव्यापी पुनरूत्थान महोत्सवमा उपत्यकाका विभिन्न स्थानहरूबाट शान्ति पदयात्रा भएको थियो। कलंकी, लगनखेल र सुन्धारा, माइतीघर र नख्खुबाट शान्ति पदयात्रा भएको थियो। येशू ख्रीष्ट मृत्युबाट जीवित हुनुभएका बाइबलका पदहरू लेखिएका प्ले कार्ड, व्यानरहरू सहित भजन, गीतहरू गाउँदै खुसीसाथ जावलाखेल मैदानमा आएका थिए। ख्रीष्टियानहरूको बाक्लो उपस्थिति देखिएको थियो। जावलाखेल मैदान भरिएको थियो।
पुनरूत्थान महोत्सवमा विभिन्न वक्ताहरूले शुभकामना मन्तव्य दिनुभएको थियो। महोत्सवमा परमेश्वरको वचनबाट नेपाली इसाई मण्डलीका पास्टर रोबर्ट कार्थकले इस्टर महोत्सवको बारेमा वचनबाट प्रकाश पार्नुभएको थियो। ‘येशू ख्रीष्ट मृत्युबाट तेस्रो दिनमा मृत्युबाट बौह्रि उठ्नुभयो। प्रभु भनीकन उहाँ प्रमाणीत हुनुभयो। येशू ख्रीष्ट मुक्ति दाता र प्रभु हुनुहुन्छ’। पवित्र धर्मशास्त्र बाइबल रोमी १४:७, ८,९ पदहरू पढेर प्रष्ट पार्नुभयो। 7 हामीहरू कोही पनि आफ्‍नै लागि बाँच्‍तैनौं र आफ्‍नै लागि मर्दैनौं। 8 हामी बाँचे पनि प्रभुकै लागि बाँच्‍तछौं र मरे पनि प्रभुकै लागि मर्दछौं। त्‍यसो हुँदा हामी मरे पनि बाँचे पनि प्रभुकै हौं। 9 यसकारण ख्रीष्‍ट मरेका र बाँचेका सबैका प्रभु हुन मर्नुभयो र फेरि जिउनु पनि भयो। Romans 14:7-9 (Bible)
विश्वमा मृत्युबाट पुनरूत्थान हुने व्यक्ति येशू ख्रीष्टमात्रै हुनुहुन्छ। येशू ख्रिष्टको मृत्यु र पुनरूत्थानको प्रशस्त प्रमाणहरू पाइन्छन्। बाइबलमा यसका प्रमाणहरू पाइन्छन्। जसको कारण विश्वव्यापीरुपमा मण्डलीहरू येशू ख्रीष्टको बारेमा प्रचार गर्न सक्छन्। येशू ख्रीष्टमाथि विश्वास गर्नेले अनन्त जीवन पाउनेछ भनी विश्वासका साथ प्रचार गर्दछन्।
कार्यक्रममा प्रवचनपछि विभिन्न चर्चबाट, समूहबाट नृत्य, गीतहरू प्रस्तुत भएका थिए।