कार्यक्रममा सवालको जवाफ अर्थात प्रतिक्रिया गर्ने क्रममा थिर के.सीले क्रिश्चियनहरुको राष्ट्रप्रति धारणा स्पष्ट नभएको राजनीति दलहरूकै कुरालाई समर्थन र आलोचना मात्रै भएको आरोप लगाउँदै हामी क्रिश्चियनहरूको साझा धारणा हुन आवश्यक भएको ठहर गर्नुभयो र हामी नेताहरूलाई गालि गर्नेभन्दा हामीले कसरी नेतृत्व लिने भन्ने कुरा बिचार गर्न सुझाव पनि दिनुभएको थियो।
Initiatives for Christian Studies on Contemporary Issue (ICSCI)
काठमाडौं- २२ नोभेम्बर, सम-सामयिक विषयमा क्रिश्चि,यन अध्ययनका पहल अन्तरक्रिया कार्यक्रमको ११ औं अन्तरक्रिया कार्यक्रम हाम्रो आशिष् पत्रिका कार्यलय नख्खु- ललितपुरमा सम्पन्न भयो। हाम्रो राज्यको संघिय इकाईका आधारहरूः जातिय, भाषिक, भौगोलिक, कुनै अथवा कुनै पनि छैन विषयमा अन्तरक्रिया कार्यक्रम सवाल जवाफ गहन प्रकारले भएको थियो। Initiatives for Christian Studies on Contemporary Issues का संयोजक डा.महेन्द्र भट्टराईले कार्यक्रमको विषय वस्तु बताई प्रार्थनाबाट कार्यक्रम शुरु भएको थियो।
अहिले नेपामा उठेका जातिय संघियतामा क्रिश्चि यनहरूको धारणा विषयमा क्रार्यक्रममा डा.रमेश खत्रीले विभिन्न देशका उदाहरण बताएर नेपाल देशमा उठेको विषय जातिय, भाषिक र भौगोलिक आधारमा संघात्मक राज्यको बारेमा फाइदा र बेफाइदा बताउनुभएको थियो। संघियताले पिछडिएका जनजातिहरूको हित हुने सम्भवाना देखिएतापनि अर्को ठूलो डर भनेको देश टुक्रिन्छ कि भन्ने कुरा प्रष्ट्याउनुभएको थियो।
कार्यक्रममा अर्का वक्ता बि.पि. खनालले देशलाई जातिय, भाषिक आधारमा संघियता हुँदा एक आपसमा वैमन्स्यताको वातावरण सृजना हुँदछ। नेपालमा रहेका मण्डलीहरूको लागि संघियता आवश्कय नभएको कुरा उहाँको भनाईबाट बुझिएको थियो।
पास्टर लोकमनी ढकालले देश अब संघियतामा जानु आवश्यक छ तर जातिय, भाषिक आधारमा नभई भौगोलिक र प्राकृतिक आधारमा हुनुपर्ने कुरामा जोड दिनुभएको थियो। संघियतामा जाने नै हो भने देशलाई ७ क्षेत्रमा जान आवश्यक भएको ठहर पनि गर्नुभएको थियो।
लोकनाथ मनेनले हाम्रो देशमा राजाहरूको कारणले पापले जरा गाडेको छ। पाप राजाहरुबाट शाही सेनामा, सेनाद्वारा देशमा भएको बताउँदै, हामी सर्वोच्च जाती हौं, परमेश्वरको वचन नयाँ नियमले हामीलाई एउटै जाती बनाएको छ। हाम्रो देश जातिय, भाषिक संघियतामा जान नहुने कुरा पनि बताउनुभएको थियो।
पासाङ्ग तामाङ दानिएलले आफू माओवादीको क्षेत्रिय कमाण्डर र क्रिश्चियन भएको कारणले पनि देशमा असल प्रकारको शासन हुन आवश्यक भएको कुरा वताउनुभएको थियो। एउटा कार्यक्रममा पास्टरले राजा दानिएलको बारेमा वचन बाँड्दै गर्दा आफूलाई धेरै उत्साह मिलेको कुरा पनि बताउनुभएको थियो।
कार्यक्रममा सवालको जवाफ अर्थात प्रतिक्रिया गर्ने क्रममा थिर के.सीले क्रिश्चियनहरुको राष्ट्रप्रति धारणा स्पष्ट नभएको राजनीति दलहरूकै कुरालाई समर्थन र आलोचना मात्रै भएको आरोप लगाउँदै हामी क्रिश्चियनहरूको साझा धारणा हुन आवश्यक भएको ठहर गर्नुभयो र हामी नेताहरूलाई गालि गर्नेभन्दा हामीले कसरी नेतृत्व लिने भन्ने कुरा बिचार गर्न सुझाव पनि दिनुभएको थियो।
यसैक्रममा पास्टर प्रकाशराज बगालेले जातिय, भाषिक संघात्मक राज्यले देश विखण्डन हुने कुरा बताउनुभयो। क्रिश्चियनहरूले आफ्नो अडान राख्नल आवश्यक भएको बताउनुभयो। हामी अधिकार माग्ने हैन यो त लाजको कुरा हो। हामी अधिकार दिने व्यक्ति हो भनि हामी पार्टीगत रुपले नगएर स्वतन्त्ररुपमा क्रिश्चियनहरूको विचारलाई हेर्नुपर्छ भनी आफ्नो धारणा राख्नु्भएको थियो।
Republished in new layout on 7/10/2013
