काठमाडौं, बैशाख ५, बेथशालोम पुतलीसडक चर्चमा ख्रीष्टियन समूदायमाथि भएको आक्रमणको विषयमा प्रार्थना सभा सम्मपन्न भएको छ। इष्टर सन्डेको दिनमा राष्ट्रिय ख्रीष्टियन महासंघ नेपालका सचिव सन्तोष खडकामाथि भएको आक्रमणको विषयलाई लिएर महासंघले बेथशालोम पुतलीसडक चर्चमा प्रार्थना सभा र बैठकको आयोजना गरेको थियो। काठमाडौंका चर्चहरूबाट पास्टर अगुवाहरूको प्रार्थना भेलामा सहभागिता रहेको थियो। प्रार्थना सभामा सन्तोष खडकामाथि भएको आक्रमण र नेपाल क्याथोलिक चर्चमा भएको आगजनीको विषयमा प्रार्थना गरिएको थियो। महासंघका महासचिव पदम पराजुलीले प्रार्थना सभा र छलफलको विषय वस्तुमा भेलाको सञ्चालन गर्नुभएको थियो। महासंघका अध्यक्ष सिबी गहतराजले सन्तोष खडकामाथि भएको आक्रमणको बारेमा बिस्तृतरूपमा जानकारी गराउनुभएको थियो। घटनाक्रमलाई हेर्दा यो आक्रमण व्यक्तिलाई र चर्चलाई मात्र नभएर ख्रीष्टियन समूदायलाई नै लक्ष्य गरेर घटाइएको बताउनुभयो। गहतराजका अनुसार खड्का इष्टरको कार्यक्रम पछि कार्यालय जानुभएको थियो र कार्यालयबाट आफ्नो बाइक लिएर घर फर्किने क्रममा मानभवनमा ललितपुर जिप्रका नजिकै मोडमा पछाडिबाट आक्रमण गरिएको थियो । दुई राउण्ड गोलि प्रहार गरिएको थियो तर एउटा गोलिले खड्कालाई लागेको थियो। खड्काले एकछिन बाइक रोकेर हेरे च्यास्स दुखेजस्तो लागेपनि उनि वेवास्ता गरी घरमा पुगे। रगत अलि बढि बगेपछि हस्पिटलमा गएर साधारण उपचार गरे। रगत बग्न नछोडेपछि उपचारको लागि अर्को हस्पिटल गए। एक्सरे गर्दा गोलि लागेको थाहा भएपछि पाटन हस्पिटलमा रिफर गरियो। खडकाको कम्मरमुनिबाट गोलि निकालियो।परमेश्वरको अनुग्रहले धेरै ठुलो समस्या भएन। घटनापछि प्रहरीले सक्रियताका साथ अनुसन्धान गरिरहेको खोजी जारि रहेको भइरहेको छ। एसम्पसन चर्चमा भएको आक्रमणको स्थलगत निरिक्षण गरिएको र त्यहाँ सि.सि टि.भी मा रेकर्ड भए अनुसार घटनामा दुई जनाको प्रत्यक्ष संलग्नता भएको र प्रहरीले सोहि आधारमा अनुसन्धान गरिरहेकोे जानकारी पनि दिनुभयो थियो।
घटनाको सम्बन्धमा बोल्नेक्रममा एन.सी.एफका अध्यक्ष टेक दाहालले यस्ता घटना हुँदैमा डराउनु हुँदैन तर प्रार्थनामा लाग्नु पर्ने अवस्था आएको बताउनुभयो। नेइम ज्ञानेश्वर चर्चका पाष्टर शामुएल कार्थक प्रार्थनामा लागि पर्नेकुरामा उत्साह दिनुभएको थियो। डा सिमोन पाण्डेले ख्रीष्टियन समुदायलाई राज्यबाट, मेडियाबाट सबै क्षेत्रबाट बायोस गरेको अवस्थामा विभिन्न क्षेत्रबाट प्रार्थना र अवस्थाअनुसार सचेत हुनुको साथै घटनालाई प्रधानमन्त्री, गृहमन्त्रीसम्म पुर्याउनु पर्ने बताउनुभएको थियो। यसैक्रममा पास्टर रत्न राईले यो घटनाक्रममा अब विभिन्न क्षेत्रबाट एकरुपतामा जाने कुरा बताउदै एकले अर्कोलाई दोष्याउनेभन्दा सबै ख्रीष्टियन समूहहरूबाट एकरूपता हुन आवश्यक भएको कुरा बताउनुभएको थियो। त्यसैगरी रूपनारायण तिमिल्सेन, केशव लुइटेल, प्रकाश सुब्बा, तेज जिरेल, ऋिषिराम पौडेल, माया राई आदिले आफ्नो भनाई राख्नु भएको थियो।
भेलामा उपस्थित अगुवाहरूको सुझाव अनुसार एनसिएस, एनसिएफ नेपाल र राष्ट्रिय ख्रीष्टियन महासंघ नेपालले एकजना वा दुइजना प्रतिनिधिहरू पठाएर एउटा टास्क फोर्स टिम बनाउने निर्णय भएको पास्टर रूपनारायण तिमिल्सेनाले बताउनुभएको थियो। यो टिमले नै घटनासम्बन्धिका विषयमा सरकार समक्ष आफ्ना कुरा राख्ने निर्णय भएको छ।
महासंघले जारी गरेको प्रेस विज्ञप्ति भेलामा उपस्थित सैबलाई वितरण गरिएको थियो। भेलाको सुरूको प्रार्थना पास्टर फिलेमोन क्षेत्रीले गर्नुभएको थियो। पास्टर सामूएल सोदेम्बालाई अन्तिम प्रार्थाना गर्नुभएको थियो।
Discussion about this post