आफ्ना प्रार्थनाहरूको उत्तर कसरी पाउने (२)

बुधवार, जुन १, जेठ १९
‘तिनीहरूलाई उचित तरिकाले व्यवहार गर …तब तिमीहरूले पुकार गर्नेछौ, र परमप्रभुले जवाफ दिनुहुनेछ ।’ —यशैया ५८:६, ९
आफ्ना प्रार्थनाहरूको उत्तर कसरी पाउने (२)

२) के तपाईंले आफ्ना प्रार्थनालाई प्रभावविहीन् बनाइरहनुभएको छ ? परमेश्वरले इस्राएलीहरूलाई भन्नुभयो कि तिनीहरूले आफ्ना प्रार्थनाहरूको उत्तर पाइरहेका थिएनन् किनभने तिनीहरू आपसमा दोष देखाउने र आलोचना गर्ने काममा संलग्न भइरहेका थिए (हेर्नुहोस् पद ९–११) । के तपाईं पनि त्यस कुरामा दोषी हुनुहुन्छ ? तपाईंले प्रार्थना गरिरहनुभएको समयमा जत्तिकै तपाईंले प्रार्थना नगर्नुभएको समयमा बोल्नुहुने शब्दहरूद्वारा पनि परमेश्वरको महिमा गर्नु महत्वपूर्ण हुन्छ । आलोचनात्मक र बेकाइदाको बोली, र तपाईंका प्रार्थनाको उत्तर नपाउनुका बिचमा एउटा कडी छ भनी बाइबलले बताउँछ । तपाईंले अरूहरूसँग कसरी व्यवहार गर्नुहुन्छ भन्ने कुराले परमेश्वरले तपाईंसँग कसरी व्यवहार गर्नुहुन्छ भन्ने कुरा निर्धारण गर्दछ (हेर्नुहोस् एफिसी ६:७–८) । परमेश्वरले कुरा प्रस्टै राखिदिनुभएको छः ‘तिम्रा कामदारहरूमाथि अन्याय नगर, तिनीहरूलाई उचित तरिकाले व्यवहार गर…आफ्नो भोजन भोकासित बाँड़Þचुँड़ गर…असहाय र गरिबहरूलाई शरण देओ…तिमीहरूले यी काम ग¥यौ भने परमप्रभुले उहाँको महिमित ज्योति तिमीहरूमाथि प्रकाशमान् पार्नुहुनेछ । उहाँले तिमीहरूलाई निको बनाउनुहुनेछ; तिमीहरूको धार्मिकताले तिमीहरूलाई डोर्‍याउनेछ, भलाइ तिमीहरूको अगिल्तिरको रक्षक हुनेछ, अनि परमप्रभुको महिमाचाहिँ पछिल्तिरको रक्षक हुनेछ । तब तिमीहरूले पुकार गर्दा, परमप्रभुले जवाफ दिनुहुनेछ…तिमीहरूले गर्नुपर्ने काम भनेको कमजोरहरूमाथि अत्याचार गर्न बन्दगर्नु, अरूको विरुद्धमा भूmटो आरोप नलगाउनु र निन्दापूर्ण अफवाह नपैmलाउनु नै हो ! भोकाहरूलाई भोजन देओ ! समस्यामा परेकाहरूलाई सहायता गर ! तब तिमीहरूको ज्योति अँध्यारोमा चम्कनेछ, र तिमीहरूको वरिपरिको अन्धकार मध्यदिन जस्तै हुनेछ । परमप्रभुले तिमीहरूलाई निरन्तर डोर्‍याउनुहुनेछ, र सम्पूर्ण असल थोकहरूद्वारा तिमीहरूलाई सन्तुष्ट पार्नुहुनेछ, अनि तिमीहरूलाई स्वस्थ राख्नुहुनेछ’ (यशैया ५८:६–११) । यसको अर्थ हुन्छ तपाईंका प्रार्थनाको उत्तर दुईओटा कुरामा आधारित हुन्छः अरूहरूप्रति तपाईंको विचार र व्यवहार ।
आत्मिक भोजनः आमोश ५: १८–९:१५, मत्ती १४: २२–३६, भजन १२१, हितोपदेश १४: १३–१६