सभासदले छुट्टाए मण्डलीलाई रकम

सन्देश पौडेल/लमजुङ,

चौतर्फी ख्रिष्टियन समूदायको आलोचना भइरहेका बेला लमजुङका सभासदहरुले चर्चलाई सहयोग गरेका छन्। लमजुङको निर्वाचन क्षेत्र नं १ का सभासदहरुले सामूहिक रुपमा मण्डलीलाई सहयोग गरेका हुन्।
जनसहभागितामा आधारित कार्यक्रम अर्न्तर्गत सभासदहरुले जिल्लाका दुइ मण्डलीको भौतिक विकासका लागि वजेट विनियोजन गरेका हुन्। सभासदहरुको सो बिवेकले खर्च गर्न पाउने ४१ लाख रुपैया मध्येबाट साडे दुइलाख वरावरको रकम चर्चको लागि विनियोजन गरेका हुन्।

प्रत्येक निर्वाचन क्षेत्र अर्न्तर्गत प्राप्त ४१ लाख रुपैया वरावरको रकम मध्येबाट सभासदहरुले मण्डलीलाई पनि रकम उपलब्ध गराएका हुन्। प्रतक्ष निर्वाचित सभासद संयोजक र समानुपातिक सभासद सदस्य रहेको सभासदहरुको समितिले सो रकम विनियोजन गर्ने गर्दछ। सभासद जमिन्द्रमान घले र टुका हमालको प्रस्तावलाई स्वीकार गर्दै सभासदको समितिले मण्डलीलाई सहयोग गर्ने निर्णय गरेको हो। सभासद घले र हमालको प्रस्तावलाई अर्का सभासद लालबहादुर गुरुङले सहजै सहमती जनाएका थिए।

“मन्दिरलाई दिन हुन्छ, गुम्वालाई दिनु हुन्छ, चर्चलाई दिनु हुँदैन?” सभासद जमिन्द्रमान घलेले भने “इशाइहरुले पनि हामीलाई भोट दिएका छन्, उनलाई पनि सम्बोधन गर्नुपर्छ।”

सभासदहरुले लमजुङ निर्वाचन क्षेत्र नम्वर १ अर्न्तर्गत नौथर गाविस साधीखोलामा रहेको विलिभर्स चर्च र शेरा सामूदायिक चर्चलाई आर्थिक सहयोग गरेको बताएका छन्। विलिभर्स मण्डली शेरालाई रु एकलाख ५० हजार सहयोग गरिने भएको छ भने सेरा सामूदायिक चर्चलाई रु एकलाख सहयोग गरिने भइको सभासद जमिन्द्रमान घलेले बताए।

मण्डली प्रति भएको सभासदहरुको सकरात्मक सहयोगले ख्रिष्टियन समूदाय हर्षित भएको छ। पछिल्लो समय ख्रिष्टियन समूदायलाई दोश्रो दर्जामा रहने गरि गरिएका आलोचनाका बिच जनताका नेताले सकरात्मक सहयोग गर्दा मण्डली परिवारले आभार ब्यक्त गरेको छ। सहयोग प्राप्त मण्डली मात्रै नभएर सिङ्गो ख्रिष्टियन समूदायनै खुशी भएको बताइएको छ।

सन्देश पौडेल
समचार/कार्यक्रम प्रमूख
लमजुङ टेलिभिजन

यो समाचार प्रकाशन भएको केहि समायमा नै हामीलाइ जानकारी आयो कीमाथिको प्रस्ताबमा  जि. बि.स. असहमत भएकोले चर्चलाइ दिने भनिएको सहयोग चर्चले प्राप्त गरेको छैन। – Admin, Nepalchurch.com