मण्डलीका युवाहरुलाई बाल बिबाह न्यूनीकरण सम्वन्धी अभिमुखीकरण

सन्देश पौडेल/ लमजुङ,  सदरमुकाम बेसीशहर स्थित नवशान्ती चर्चमा बाल बिबाह न्यनीकरण सम्वन्धी अभिमुखीकरण कार्यक्रम सम्पन्न भएको छ । वर्ल्ड भिजन लमजुङ एडिपीको समन्वय तथा लमजुङ ख्रिष्टिय युथ सोसाइटीको आयोजनामा फागुन १५ गते कार्यक्रम सम्पन्न भएको हो ।
लमजुङ ख्रिष्टिय युथ सोसाइटीको नियमीत भेलाको अवसर पारी बाल बिवाह न्युनीकरण सम्वन्धी अभिमुखीकरण आयोजना गरिएको हो । कार्यक्रममा वर्ल्डभिजन लमजुङ एडिपीकी उपासना गुरुङले प्रशिक्षण दिनुभएको थियो । गुरुङले बाल बिबाहको असर, कानुनी प्रक्रिया, न्यनुीकरणका लागि गर्न सकिने कामहरुको बारेमा सिकाउनु भएको थियो ।
कार्यक्रममा बालबिबाहको असर, बाल बिबाह हुनको बिबिध कारण तथा समस्याहरुको बर्गिकरण गरि समूहगत रुपमा समाधानका उपायाहरुको खोजी गरिएको थियो । कार्यक्रममा बाल बिबाह न्युनीकरणका लागि चुनौती र युवाहरुको भूमीका लगायतको बिषयमा समेत छलफल भएको थियो ।
लमजुङ ख्रिष्टिय युथ सोसाइटीका अध्यक्ष सेतु गुरुङले सहजीकरण गर्नु भएको सो कार्यक्रममा युथ सोसाइटीका सस्थापक सदस्य सन्देश पौडेल, पर्ूव अध्यक्ष प्रदिप कोइराला, इसाइ समाज लमजुङका सस्थापक अध्यक्ष ठाकूर गुरुङ, अध्यक्ष रोशन र्राई, सचिव सन्त गुरुङ, वर्ल्ड भिजन लमजुङ एडिपीका टिम म्यानेजर जेम्स प्रधान, बिकास संयोजक दिपा ठकूरी लगायत सदरमुकाम बेसीशहर भित्रका बिभिन्न मण्डलीका युवा युवतीहरुको सहभागिता रहेको थियो ।