एन.सी.एफ.एन. वाषिर्क साधारणसभा

Written by वीश्लेशक

२०६७ असोज ११ देखि १३ गतेसम्म राजधानीको मुटुमा अवस्थित बेथ शालोम पुतलीसडक मण्डली, काठमाडौंमा नेपाल राष्ट्रिय मण्डली संगति (एन.सी.एफ.एन) को उनान्चासौं वाषिर्क साधारणसभा भव्यताका साथ चुनावी प्रक्रियाका साथ सम्पन्न भएको छ । एन.सी.एफ.एन.मा दर्ता भएका नेपालभरि छरिएर रहेका करिब १२०० मण्डलीका ३०६ प्रतिनिधिहरूले सहभागिता जनाएका थिए।

उक्त साधारणसभाले चुनावी प्रक्रियाद्वारा केन्द्रीय कार्यकारिणी समितिको मुख्य पाँच वटा पदमा छनौट गरेको छ। जसअनुसार उक्त कार्यकारिणी समितिको अध्यक्ष पदमा रेभ. ओमप्रकाश सुब्बा (प्रकाश), उपाध्यक्षमा पा. टेक दाहाल, सचिवमा पा. बीरबहादुर कार्की (बी.बी.), कोषध्यक्षमा पा. हरि प्रधान र सह-सचिवमा राजकुमार र्राई विजयी हुनुभएको छ। साथै मध्यमाञ्चल क्षेत्रीय समितिको अध्यक्षमा पा. बीरबहादुर तामाङ्, उपाध्यक्षमा पा. दिनेश सुनुवार, सचिवमा पा. कृष्ण प्रजा, कोषध्यक्षमा श्रीमती नारायणी खत्री र सदस्यहरूमा पा. विष्णु राइ, पा. हरिकुमार खाती र पा. पिटर श्रेष्ठ रहनुभएको छ भने उक्त साधारणसभामा पाँचै विकास क्षेत्रका क्षेत्रीय समितिको अध्यक्ष स्वतः केन्द्रीय समितिमा रहने व्यवस्था भएअनुसार मध्यमाञ्चलबाट नवनिर्वाचित अध्यक्ष पा. बीरबहादुर तामाङ् केन्द्रीय सदस्यमा र उक्त क्षेत्रीय कमिटीको सिफारिसमा ज्ञानबहादुर सुनुवार पदेन केन्द्रीय सदस्यमा चयन हुनुभएको छ ।
त्यसैगरी पुर्व क्षेत्रीय समितिको साधारणसभाबाट पुर्व छनौट क्षेत्रीय समितिका अध्यक्ष र सोही समितिले सिफरिस गरेका सदस्यहरूमध्येबाट एक-एक जना केन्द्रीय पदेन सदस्यका रूपमा चयन हुन पाउने व्यवस्था अनुरुप सुदूरपश्चिमबाट पा. हिरालाल भाट तथा रेभ. फिलिप सुवेदी, मध्यपश्चिमाञ्चलबाट पा. नविन दर्लामी तथा पा् विजय वि.क., पश्चिमाञ्चलबाट पा. मुक्ति ढकाल तथा पा. ग्रीष्म पराजुली र पुर्वाञ्चलबाट पा. विजय चाम्लिङ र दिनेश र्राई रहनुभएको छ भने एन.सी.एफ.एन.को विद्यान अनुसार राष्ट्रिय युवा समितिका अध्यक्ष, राष्ट्रिय महिला समितिका अध्यक्ष र सोही महिला समितिबाट सिफारिस एक-एक जना पदेन सदस्य रहने व्यवस्था अनुरुप युवा अध्यक्ष धर्मराज रिजाल, रा.म.स.का अध्यक्ष एली, रा.म.स.बाट सिफारिस सदस्य पाण्डे, केन्द्रीय समितिमा चयन भइसक्नुभएको छ ।

उक्त साधारणसभाको पहिलो दिन पाँचै विकास क्षेत्रबाट आएका प्रतिनिधिहरूलाई स्वागत गर्नुका साथै पा. डा. सिमोन पाण्डेबाट हृदयस्पर्शी वचन बाँड्नुभएको थियो भने दोस्रो दिनको बिहानको आराधना सेवामा पा. हरि प्रधान, वचनमा पा. डा. मंगलमान महर्जन र स्व. पा. एम.जे. जोसेफले वचन बाँड्नुभएको थियो भने केन्द्रीय समितिको प्रतिवेदनको क्रमशः अध्यक्ष, महासचिव र कोषाध्यक्षबाट प्रस्तुत गरिएको थियो। साथै क्षेत्रीय समितिको प्रतिवेदन क्षेत्रीय अध्यक्षबाट सुनाई सकेपछि चुनावी प्रक्रियाद्वारा नयाँ कार्यकारिणी समितिको चयन गरियो र तेस्रो दिनमा विभागीय प्रतिवेदन प्रस्तुत गरिसकेपछि उक्त उनान्चासौं वाषिर्की सभा समापन भएको घोषणा गरियो।

Republished in new layout on 7/30/2013