बिहीवार, अगस्ट २५, भदौ ९
‘हामी एउटाले अर्कालाई अब उसो इन्साफ नगरौँ ।’ —रोमी १४:१३
तपाईं आफैँले वैवाहिक सम्बन्धभन्दा बाहिरको सम्बन्धमा नपरिकनै त्यस्तो सम्बन्धमा रहेको कसैसँग काम गर्न र उसको लागि प्रार्थना गरिदिन सक्नुहुन्छ। याद राख्नुहोस्, परमेश्वरको अनुग्रहबाट उद्धार पाउनुअघि तपाईं आफैँ पनि एक पापी हुनुहुन्थ्यो, यसकारण नम्रता साथ काम गर्नुहोस् र स्वधार्मिकताको पासोमा नफस्नुहोस्। अमेरिकी सुसमाचार प्रचारक मर्भ रोसेलले भनेझैँ, ‘परमेश्वरले क्षमा दिनुहुँदा, उहाँले पापलाई सदाको लागि बिर्सनुहुन्छ,’ यसकारण तपाईंलाई असहज बनाउने जीवन शैली भएको कुनै व्यक्तिको सामना गर्दा कृपा देखाउनुहोस्। तिनीहरूको बारेमा सक्दो धेरै थाहा पाउनुहोस् र तपाईंमा पहिलेदेखि रहेका अवधारणा र पूर्वाग्रहलाई तपाईंहरूबिचको अन्तरकृयाद्वारा हटाउनुहोस्। तिनीहरूलाई परमेश्वरद्वारा प्रेम गरिएका तर पीडामा रहेका व्यक्तिहरूका रूपमा हेर्नुहोस्—
तपाईंले पाउनुभएको जस्तै अनुग्रहको खाँचो रहेका मानिसहरू।
प्रेमको अयोग्य मानिसहरूलाई प्रेम गर्नहुँदा, तपाईंले परमेश्वरले तपाईंको निम्ति गर्नुभएको काम गरिरहनुभएको हुन्छ।
कोही व्यक्ति तपाईंभन्दा ‘फरक’ छ भन्दैमा तपाईंले उसलाई वेवास्ता गर्नुपर्छ वा तुच्छ ठान्नुपर्छ भन्ने जरुरी छैन। आफ्नो वर्ण, संस्कृति, वा अनुहारको कारण आफूलाई न्याय गरिएको वा तुच्छ बनाइएको तपाईं चाहनुहुन्न, यसकारण अरूलाई पनि त्यस्तो व्यवहार नगर्नुहोस् ! बाइबलले अरू मानिसहरूको पापमय व्यवहार नक्कल नगर्ने बारेमा स्पष्ट गरी बताएको कारण, हामी तिनीहरूभन्दा असल छौं भनी सोच्ने परीक्षामा पर्न सक्छौँ । तर त्यो त घमण्डको पाप हो ! कहिले कहीँ हामी सोच्छौं कि हामीले कतिपय मानिसहरूलाई प्रेम गर्यौँ र ग्रहण गर्यौँ भने, हामीले तिनीहरूको पापलाई स्वीकार गरेका हुन्छौ। होइन, सत्य के हो भने येशूले जस्तै अरूलाई इज्जत गर्ने र ग्रहण गर्ने बन्नु पर्छ। चाहे त्यो जातिगत भिन्नता होस् (सामरीहरू), वा जीवन शैलीको भिन्नता होस् (पाँच पटक विवाह विच्छेद भएकी स्त्री जो इनारमा पानी भर्न आएकी थिइन्), वा वर्गको भिन्नता होस् (निकोदेमस)— येशूले तिनीहरूलाई प्रेम गर्नुभयो र तिनीहरू जस्ता थिए त्यस्तै रूपमा ग्रहण गर्नुभयो, अनि तिनीहरूलाई अझ उच्च मापदण्डमा उक्लने प्रेरणा दिनुभयो ।
आत्मिक भोजनः२ इतिहास २९–३१, मर्कूस ९:१–१३, भजन ११९:१४५–१६०, हितोपदेश २२:१४–१६
Discussion about this post