मैले बुझ्नै सकिन

तिमीहरुमध्ये कुन मानिस होला, जसको एक सय भेडामध्ये एउटा हराउँदा उनान्सयलाई वनमै छोडेर हराएको भेडा नपाउञ्जेल त्यसको खोजी गर्दैन?” लुका १५:४

आजको संसारमा के यो कुरा लागु भएको छ वा हुन्छ?जसको एक सय भेडामा एउटाको लागि उनान्सयलाई वनमा छोड्न सक्छ?मैले देखेको र भोगेको कुरा यसको विपरित छ तपाईले पनि महसुस गर्नसक्नु हुन्छ यदि तपाईलाई हेर्न मन लागेमा । नेपालमा हुइल चेयर चलाउने व्यक्तिको लागि उनान्सय भेडालाई छोडेर हराएको भेडालाई खोज्न गए जस्तै चर्चका एक दुइजना हुइल् चेयर गुडाउने व्यक्तिको लागि खोजी गरिएको छ?न बाटो घाटोमा वास्ता, न सरकारी अफिसमा वास्ता, न मन्दिर, चर्च, मस्तिज, गुम्वा आदिमा वास्ता, न सार्वजनिक स्थलहरुमा वास्ता। के उनीहरु चाहिँ यसको योग्य छैनन्, उनीहरुको कुन हक अधिकार हुँदैन? येशूले भन्नुभयो,  “निरोगीहरुलाई वैद्यको आवश्यकता हुँदैन, तर रोगीहरुलाई हुन्छ। तर गएर यसको अर्थ के हो तिमीहरु सिकः म बलिदान होइन, दया चाहन्छु। किनकी म धर्मीलाई होइन तर पापीहरुलाई बोलाउन आएँ। मत्ती ९:१२-१३ येशू चाँहि कम्जोर रोगीहरुको लागि आउनु भयो तर हामी बलिया सक्षमहरुको पछि लाग्छौं के येशूको शिक्षा यहि हो कि हामीले बङ्गयाएका र्हौ? चर्च भवनमा र्याम्प र ट्र्रवाइलेट छैनन्। बैंकहरु र ए टि एम् सेन्टरहरु जान सक्ने अवश्थामा छैनन्। प्रजातन्त्रमा बहुमतको कदर गरिन्छ तर येशूले अल्पमतको बढि बास्ता गर्नु भएको छ र त्यस्तै गर्न सिकाउनु भएको हो। आफ्ना शिष्याहरुको गोडा धुने काम गर्नु भएको छ। समाजले घृणा गरेका व्यक्तिहरुलाई येशूले वास्ता गरी उनीहरुलाई समाजमा स्थापित गर्नु भएको छ। के हामी यो देशको नागरिक होइन कि कसो? तपाईको चर्चमा यी आवश्यकताहरु उपलब्ध छन् ?छैन भने हामी के भनौ हजुरहरुलाई धर्मी गुरुजन?किन यस बारेमा यति जोड भन्नु होला, खुकुरीको चोट अचानोलाई मात्र थाह हुन्छ।

कतिजनाको अप्रतक्ष आसय बुझिन्छ येशूले सबै रोग विमार निको पार्नु हुन्छ यसकारण चर्चमा किन त्यस्ता ठाउँ राख्ने?निश्चय निको पार्न सक्नु हुन्छ तर निको नपार्नु भएको पनि छ। जस्तो पावलको रोग वा समस्य हटाउनु भएन। यो मबाट हटोस भनेर मैले तीन पल्ट प्रभुसित विन्ती गरे। तर मलाई उहाँले भन्नुभयो, मेरो अगुग्रह तेरो निम्ति पर्‍याप्‍त छ, किनभने मेरो शक्ति दुर्बलतामा नै सिद्ध हुन्छ।यसकारण ख्रीष्टको शक्ति ममाथि वास गरो भनेर म बरु मेरो दुर्बलतामा बढी खशीसाथ गर्व गर्नेछु। २ कोरिन्थी १२:८-९, फेरि येशूले भन्नुभयो, “तर वास्तबमा म तिमीहरुलाई भन्दछु, इस्रायलमा एलियाको समयमा धेरै विधवाहरु थिए, त्यस बेला जब साढे तीन वर्षवृष्टि रोकियो, यहाँसम्म कि सारा देशमा ठूलो अनिकाल परेको थियो। तर एलिया सीदोन देशको सारपतमा भएकी एउटी विधवाकहाँ मात्र पठाइए, अरु कसैकहाँ पठाइएनन्। एलीशा अगमवक्ताको बेलामा इस्राएलमा धेरै कुष्टरोगीहरु भए तापनि सिरियाली नामानमात्र निको पारिए, अरु कोही निको पारिएनन्।” लुका ४:२५-२७ ।

तर हाम्रो प्रभु सबै उद्धार (मुक्ति) पाएको देख्‍न चाहनु हुन्छ। मानिसको पुत्र सबैले जीवन पाउन र यो प्रसस्त मात्रामा पाउन भन्नेले आयो। उहाँमाथि विश्वास गर्ने कोहि पनि नास हुँदैन तर त्यसले नयाँ जीवन पाउने छ। आउनोस् हामी एकले अर्काको वास्ता गरौ र कुनै पनि बेवास्ताको सजायमा नपरौं।

धन्यवाद ।।

प्रभुले हामी सबैको कल्याण गरुन् ।।

टेक भण्डारी
ललितपुर कुपण्डोल
कार्तिक ३, २०७०