बुद्ध यएर दूर्घटना १९ जनाको मृत्यू

असोज ८ ललितपुर, विहान ६:४९ मा उडेको बुद्ध यएरको 9N AEKB-190 विमान काठमाडौंबाट माउन्टेन उडान (हिमाल दृष्यावलोकन गर्नको लागि) उडेको थियो। विमान काठमाडौं विमानस्थलमा अवतरण गर्ने बेलामा विहानको ७:३१बजे सम्पर्क विहिन हुनगएको थियो।

विहान ७:३० मा ललितपुरको विशङ्खुनारायण गाविसको कोटडाडाँमा रुखमा ठोक्किएर दूर्घटना भएको जानकारी प्राप्‍त भएको थियो। विमान दुर्घटना भएको खबर ८:५० बजेमात्रै बाँडे गाउमा प्रहरीसमक्ष जानकारी हुन आएको थियो। दुर्घट्नामा परि मृत्यु भएका १८ जनाको शव घट्नास्थलमा भेटिएको थियो भने घाइते अवस्थामा भेटिएका निराजन कर्मचार्यलाई स्थानियवासी र प्रहरीले जीवितै उद्दार गरी अस्पताल पठाउने क्रममा बाटोमै उनको मृत्यु भएको थियो। शवलाई नेपाली सेनाको हेलिकप्टरले विमानस्थल ल्याएको हो। शवहरु पोष्टमार्टमको लागि शिक्षण अस्पताल पुर्‍याइएको छ।

बिहान बाक्लो हुस्सु लागेको बेला कम उचाईमा उडेका कारण दुर्घट्ना भएको हुन सक्ने स्थानीयले अनुमान गरेका छन्। कोटडाँडास्थित स्थानीय हरि थापाका अनुसार सुरुमा विमानको पखेटाले उनको घरको भित्तामा छोयो, अनि बिमानको अगाडीको भाग घर पछाडीको भित्तामा जोतियो। विमानले लागेर एउटा लप्सीको रुख पनि ढालेको छ। कम उचाइबाट खसेकाले मारिएकाहरुको शव सग्लै छ। विमान भने टुक्राटुक्रा भएको छ। स्थानीयबासी र प्रहरी उद्दारमा खटिएका थिए ।

विमानमा चालकदलका सदस्यहरुमा क्याप्टेन जीवी तम्राकार, सहचालक पद्मा अधिकारी र विमान परिचारिका अस्मिता श्रेष्ठ थिए। विमानका यात्रु मध्ये १० जना भारतीय नागरिक, दुईजना अमेरिकन, एकजना जापनीज ३ जना तेस्रो मुलुको र ३ जना नेपाली रहेका छन् ।

मृत्युहुनेहरुको नामावली: चालक दलका सदस्यहरु: जीवी तम्राकार– क्याप्टेन पी अधिकारी– सहचालक, अस्मिता श्रेष्ठ– बिमान परिचारिका, यात्रुहरु: निरन्जन कर्मचार्य– नेपाल (उपचारका लागि ल्याउँदै गर्दा मृत्यु)

शारदा कर्मचार्य– नेपाल

जगजन कर्माचार्य– नेपाल

पंकज मेहता– भारत

छाया मेहता– भारत

एच डी नागराज– भारत

एल नागराज– भारत

आई नागराज– भारत

एस नागराज– भारत

डी. तालोसुब्रियम– भारत

डीपी तालोसुब्रियम– भारत

नागराजा तालोसुब्रियम– भारत

पी तालो सुब्रियम– भारत