मेसी बार्सिलोना फर्किनेमा पेप ग्वार्डिओला बिश्वस्त

बिहीबार, वैशाख २८, २०८०

अइले फ्रेन्च क्लब पेरिस सेन्ट जर्मन (पीएसजी)बाट खेलिरहेका लियोनल मेसीको यसै सिजनको अन्त्य पछि सम्झौता सकिदैछ र उन्को क्लब परिबर्तन बारेमा अड्क्लबाजी लगाउने काम पनि निकै हुदैछ l

यसै क्रममा म्यानचेस्टर सिटीका मुख्य प्रशिक्षक पेप ग्वार्डिओलाले अर्जेन्टिनी कप्तान बार्सिलोना फर्किने विश्वास व्यक्त गरेका छन् ।

ग्वार्डिओलाले ईएसपीएनसँगको कुराकारीमा मेसीले ‘बार्सिलोना फर्किनका लागि असम्भव काम गर्ने’ प्रतिकृया दिए । “बार्सिलोनाको समर्थकको रुपमा मैले क्याम्प नोउको टिकट पाइसकेको छु,” ग्वार्डिओलाले भने, “त्यो एक दिन हामी मेसीलाई उनको योग्यताअनुसार गुडबाई भन्नेछौँ ।”

यसैबीच मेसीप्रति अमेरिकी मेजर सकर लिगको क्लब र साउदी अरेबियाको क्लबसँगै बार्सिलोनाले पनि चासो देखाएको चर्चा छ । यसअघि, मेसीलाई साउदी अरेबियाको क्लब अल हिलालबाट ४०० मिलियन डलरको प्रस्ताव आएको सार्वजनिक भएको थियो । तर, पछि मेसीको एजेन्टसमेत रहेका मेसीका बुवाले यसलाई एक गलत अफवाहको रुपमा टिप्पणी गरेका थिए ।

ईएसपीएनसँगको अन्तर्वातामा ग्वार्डिओला मेसीको तारिफ गर्न पछि परेनन् । “उनी सर्वकालीन महान् खेलाडी हुन् । पछिल्लो १२ वर्षयता बार्सिलोना फक्रिरहेको छ र बार्सिलोनाको यो सफलता मेसीबिना सम्भव थिएन । म संख्याको बारेमा नभई उनी कसरी खेलमा घुलमिल हुन्छन् भन्न खोजिरहेको छु । यो उनको विशेषता हो, उनको प्रभावकारिता हो र सबै कुरा हो ।”

सन् २००३ देखि २०२१ सम्म बार्सिलोना बिताएपछि मेसी फ्रेन्च क्लबमा अनुबन्धित भएका थिए । त्यसबेला बार्सिलोनाले आर्थिक कारण देखाउँदै मेसीसँगको सम्झौता नवीकरण गर्न नसकेपछि उनलाई पीएसजीले अनुबन्ध गरेको थियो ।

मेसीले बार्सिलोनालाई अझ उत्कृष्ट बनाउन सहयोग गरेकाले उनले आफ्नो योगदानअनुसारको बिदाइ पाउनुपर्ने ग्वार्डिओलाले बताए ।

ग्वार्डिओलाले सन् २००८ देखि २०१२ सम्म बार्सिलोनाको प्रशिक्षण सम्हाल्दा मेसीसँग सहकार्य गरेका थिए । मेसी र ग्वार्डिओला एकसाथ रहँदा उच्च लयमा रहेको बार्सिलोनाले चार वर्षमा १४ उपाधि जितेको थियो ।