धर्म सम्बन्धि कसुर मुद्दामा कोरियन नागरिक चो यू साङलाई सफाइ

पोखरा- माघ २४, धर्म सम्बन्धि कसुरको मुद्दामा कोरियन नागरिक चो युसाङले जिल्ला अदालत कास्कीबाट सफाइ पाउनुभएको छ।

न्यायधीस दण्डपानी शर्माको इजलासले कोरियन नागरिक चो यु साङलाई सफाइ दिएको छ। जिल्ला अदालत कास्कीले माघ २३ गतेका दिन चो युसाङलाई सफाई दिएको कुरा पोखरेली ख्रीष्‍टियन समुदायका उपाध्यक्ष रामप्रसाद शर्माले बताउनु भएको छ।

साउन ६ गतेका दिन पोखरा लेकसाइडमा सुसमाचार पर्चा वितरण गरेकोमा  केही व्यक्तिहरुले धर्म प्रचार गरेको भनी उजुरी दिएको आधारमा प्रहरी निरिक्षक बिजय भण्डारीको टोलिले सोधपुछको लागि भनी पक्राउ गरेको थियो। चो युसाङ पोखरा नयाँ गाउँमा बस्दै आउनुभएको थियो।