राजकुमार बहादुर शाह, पुथ्वीनारायण शाहका कान्छा छोरा हुन। उनको जन्म सन् १७३७ जुन १६ मा नुवाकोट दरबारमा भएको थियो। बहादुर शाहलाई केही इतिहासकारहरूले नेपालको वास्तविक एकिकरणकर्ता भनेका छन् किनभने यिनले पृथ्वीनारायण शाहले भन्दा ३ गुणा ठुलो भूभाग नेपालमा मिलाएका थिए। पश्चिमको बाइसे चौविसे राज्यहरूदेखि लिएर भारतको कुमाउँ गढवालसम्म यिनकै पालामा नेपालमा गाभिएका थिए। यिनले नेपालका सिमाना पूर्वमा सिक्किम पश्चिममा कुमाउँ गढवालसम्म पुर्याए। बहादुर शाह १५ वर्षको उमेरदेखि नै बुबा पृथ्वीनारायण शाहसंग युद्धको मैदानमा जाने गर्थे। यसैले गोर्खाली सेनाले बहादुर शाहलाई धेरै मन पराउँथे जब पृथ्वीनारायण शाहको मृत्यु भयो, राजा प्रतापसिंहले तुरुन्तै बहादुर शाहलाई काजक्रिया गरिरहेको ठाउँबाट नै पक्डेर जेलमा हाले, किनभने बहादुर शाह राजा होला भन्ने डर दाजु प्रतापसिंह शाहलाई थियो। पछि राजा प्रतापसिंह शाहले केही उच्चपदस्थ भारदारहरूको अनुरोधमा बहादुर शाहलाई रिहा गरे त्यसपछि उनी भारतको बेतिया शहरमा निर्वासित भए। पछि राजा प्रतापसिंह शाहको मृत्यु पछि भाउज्यू राजेन्द्र लक्ष्मीले उनलाई बेतियाबाट काठमाण्डौंमा बोलाए।त्यतिबेला रण बहादुर शाह सानै थिए। त्यसैले देवर भाउज्यू मिलेर रण बहादुर शाहको नायबी भई केही वर्ष शासन चलाए। पछि भाउज्यू राजेन्द्र लक्ष्मीसंग मनमुटाव हुन थाल्यो, त्यसैले आफ्नो ज्यान बचाउन यिनी फेरी बेतिया गए। केही समयपछि बेतियाबाट पटना गए, जहाँ एउटा चर्च बनिसकेको थियो। त्यो चर्चको नाम “पादरी की हबेली” थियो । यसलाई “सेन्ट मेरिज चर्च” पनि भनिन्छ, त्यहाँ उनी केही समय बसे।
त्यो चर्च भेनिसको वास्तुकलाको उत्कृष्ट नमूना थियो।एकजना बास्तुकार सित्योरती भन्नेले त्यो चर्चको डिजाइन गरेका थिए। यो चर्च बनेको ३८५ वर्ष भई सकेको छ।
विहारको पटनामा हुँदा यिनले पादरीको हबेली चर्चलाई अष्टधातुबाट बनेको एउटा विशाल घण्टा उपहार दिएका थिए। त्यो घण्टा सो चर्चमा अहिलेसम्म पनि प्रयोगमा आइरहेको छ। त्यस घण्टाको नाम “मारिया” हो।त्यस घण्टासँगै एउटा शिलालेख छ त्यसमा नेपालको राजा पृथ्वीनारायण शाहका छोरा बहादुर शाहले उपहार दिएको घण्टा भनेर लेखिएको छ। यसबाट प्रमाणित हुन्छ कि बहादुर शाहले ख्रीष्टियनहरू प्रति राम्रो दृष्टिकोण राख्थे।
बहादुर शाहको मृत्यु सन १७९७ जुन २४ मा ४० वर्षको उमेरमा भएको थियो।
Discussion about this post