जब तपाईंले यसको आशा गर्नुभएकोहुँदैन (२)

मंगलवार, सेप्टेम्बर ६, भदौ २१
‘(शैतानका) युक्तिहरूका विषयमा हामी अजान छैनौं।’ —२ कोरिन्थी २:११

आत्मिक विजयको क्षणमा तपाईंको सुरक्षा व्यवस्थालाई हेलचेक्र्याइँ गर्ने परीक्षा आउँछ, तर यस्तै समयमा तपाईं शैतानको आक्रमणप्रति सबैभन्दा कमजोर हुनुहुन्छ। तपाईं ‘शैतानका युक्तिहरूका विषयमा अजान’ बन्न सक्नुहुन्न। येशू पनि यसबाट मुक्त हुनुहुन्नथ्यो। अलौकिक शक्ति प्रदर्शन गर्दै, उहाँले पाँच रोटी र दुई वटा माछाले पाँच हजार मानिसहरूलाई खुवाउनुभयो। त्यस्तो आश्चर्यकर्म गरेपछि, हामीमध्ये धेरै जसोले केही समय विश्राम लिने र आराम गर्ने निर्णय गथ्र्यौंहोला। तर सफलता पाएपछि यसकै बारेमा विचार गर्दै मख्ख पर्नुको सट्टा, येशू ‘डाँड़ामा प्रार्थना गर्न जानुभयो’ (मर्कूस ६:४६)।
त्यस बेला यो कुरा स्पष्ट भएको थिएन, तर उहाँले आफ्नो सेवकाइका सबैभन्दा भयंकर आँधीहरूमध्ये एउटाको समना गर्नुपर्ने थियो (हेर्नुहोस् मर्कूस ६:४८)।
ख्रीष्टियन लेखक हेनरी ब्ल्याकबीले टिप्पणी गरेकाछन्ः
‘चेलाहरू बिनातयारी नै आँधीमा गए, तर … येशूले तयारी गरेर मात्र आँधीमा पस्नुभयो अनि परमेश्वरको सारा शक्तिका साथ संकटको सामना गर्नुभयो … तपाईंका सफलताका क्षणमा होसियार रहनुहोस् … जब तपाईं सर्वशक्तिमान् परमेश्वरको अनुभव गर्नुहुन्छ … तब प्रार्थनमा जानुहोस् अनि आउने कुराको सामना गर्न पिताले तपाईंलाई तयार पार्न सक्नुहुनेछ।’ समय बदलिएको छ, तर मानव चरित्र बदलिएको छैन। हामी अझै पनि पुरानै र चिरपरिचति व्यक्तिहरू हौँ— अनि शैतानलाई यो कुरा थाहा छ। यसैकारण त त्यो ‘कसलाई भेट्टाऊँ र खाइहालूँ भनी गर्जने सिंहझैँ खोजिहिँड्छ ’ (१ पत्रुस ५:८)।
त्यसले अवसर नपाओस् भनेर रोक्नका लागिः
१) ‘दियाबलसको विरोध गर, र त्यो तिमीहरूबाट भाग्ने छ’ (याकूब ४:७); २) धर्मी मित्रहरूको वरिपरि रहनुहोस् (हेर्नुहोस् भजन १:१); ३) उहाँको वचन र प्रार्थनाद्वारा परमेश्वरसँग सम्बन्धमा रहनुहोस्। ख्रीष्टियन लेखक तथा वक्ता भर्न म्याकलेलानले भनेकाछन्, ‘बिहान प्रार्थनाले परमेश्वरका दया र आशिषहरूका सम्पत्तिको ढोका खोल्छ, अनि साँझ यसले हामीलाई उहाँको सुरक्षा र संरक्षणभित्र राख्छ।’ तपाईंले अपनाउनुपर्ने रणनीति यही हो जुन कहिल्यै असफल हुँदैन।
आत्मिक भोजनः यहोशू १९:२४–२१:४५, मर्कूस ११:२७–३३, भजन २२, हितोपदेश २३:१६–१८