नडराउनुहोस् (२)

बुधवार, अगस्ट १७, भदौ १
‘परमेश्वरको अचूक प्रेमको निम्ति (हामी) उहाँलाई धन्यवाद चढाऔं ।’ —भजन १०७: ८

तपाईं कठिन समयहरू भएर जानुभएपछि, यसले तपाईंलाई परमेश्वरमाथि कम भरोसा गर्न र सुरक्षित तरिकाले चल्न सुरु गर्न लगाउन सक्छ। एकपछि अर्को आँधीको समाना गर्नुपरेपछि, तपाईंलाई किनाराको सुरक्षा असल लाग्न सक्छ । विश्राम लिनु र समेटिनु उचित छ, तर सुरक्षा खोज्ने क्रममा तपाईंको निम्ति परमेश्वरले योजना गरिदिनुभएका कुरा नगुमाउनुहोस् । बाइबललले बताउँछ, ‘कोही–कोही जहाज चढ़ी समुद्रमा गए, तिनीहरू महासागरमाथिका व्यापारी थिए । तिनीहरूले परमप्रभुका कार्यहरू देखे, सागरको गहिराइमा तिनीहरूले उहाँका आश्चर्य कार्यहरू देखे । किनभने उहाँले आज्ञा गर्नुभयो, र प्रचण्ड आँधी चलाउनुभयो, जसले सागरका छालहरू उठाए । तिनीहरू आकाशसम्मै चढेर गए, र फेरि सागरको गहिराइमा झरे, तिनीहरूको क्लेशमा तिनीहरूको साहस गलेर गयो। तिनीहरू मतवाला जस्तै … धरमराउँदै थिए र तिनीहरूको होसहवासै उड्यो। तब तिनीहरूले आफ्नो सङ्कष्टमा परमप्रभुको पुकार गरे, र उहाँले तिनीहरूलाई तिनीहरूको आपद्बाट छुटाउनुभयो। उहाँले आँधीलाई शान्त गराउनुभयो, र सागरका छालहरू स्थिर भए। आँधी शान्त भएपछि तिनीहरू खुसी भए, र उहाँले तिनीहरूले चाहेका बन्दरगाहमा पुर्‍याउनुभयो। तिनीहरूले परमप्रभुको अचूक प्रेमको निम्ति, र मानिसहरूप्रति उहाँका आश्चर्यका कामका निम्ति उहाँलाई धन्यवाद चढ़ाऊन्’ (पद २३–३१)। हामीले परमेश्वरका आश्चर्यका कामहरू कहाँ देख्छौं? जीवनका आँधीहरूमा ! येशूले दिनुभएका १२५ वटा आज्ञाहरू बाइबलमा उल्लेख गरिएका छन् । तीमध्ये एक्काइस वटा ‘नडराओ वा ‘साहस गर’ भन्ने आज्ञाहरू छन्। उहाँले सबैभन्दा बढी दिनुभएको दोस्रो आज्ञा ‘परमेश्वरलाई र तिम्रो छिमेकीलाई प्रेम गर’ भन्ने हो जुन आठ पटक मात्र उल्लेख गरिएको छ । यसको अर्थ हुन्छ, येशूले सबैभन्दा बढी बोल्नुभएको वाक्य ‘नडराऊ !’ भन्ने थियो । किन ? किनकि तपाईंले उहाँमाथि अझै धेरै भरोसा राख्नुहोस् भन्ने उहाँ चाहनुहुन्छ !
आत्मिक भोजनः २ इतिहास ५–७, मर्कूस ६: ४५–५६, भजन ११९:८९–९६, हितोपदेश २१:२०–२३