परमेश्वरमा भरोसा गर्नाले आनन्द र शान्ति ल्याउँछ

बिहीवार, अगस्ट ४, साउन २०
‘आशाका परमेश्वरले तिमीहरूलाई विश्वासद्वारा सम्पूर्ण आनन्द र शान्तिले भरिपूर्ण गरिदिऊन् ।’ —रोमी १५:१३

परमेश्वरमा भरोसा गर्नु उहाँमा भरोसा नगर्नुभन्दा धेरै सरल छ। जब तपाई परमेश्वर, उहाँको वचन, अनि उहाँका प्रतिज्ञाहरूमा शङ्का गर्नुहुन्छ, कुनै पनि काम सम्पन्न गर्न तपाईंसँग तपाईंको आफ्नै उपायहरु र तर्कहरुमात्र रहन्छन्। परिणामस्वरूप, तपाईं तनावमा पर्नुहुन्छ। केही क्षण लिएर तल दिइएका तीन वटा पदहरू पढ्नुहोस्, अनि तिनीहरूको अर्थको बारेमा विचार गर्नुहोस्ः
‘तर सुनेको वचनले तिमीहरूलाई केही फाइदा भएन, किनकि सुन्नेहरूले विश्वासपूर्वक यिनलाई ग्रहण गरेनन् । किनकि हामी विश्वास गर्नेहरूचाहिँ त त्यस विश्राममा प्रवेश गर्छौं’ (हिब्रू ४:२–३) ।
‘किनकि परमेश्वरको विश्राममा प्रवेश गर्ने जोसुकैले पनि आफ्नो परिश्रमदेखि विश्राम गर्छ’ (हिब्रू ४:१०) ।
‘हे सबै बोझले दबिएका र थाकेका हो, मकहाँ आओ, र म तिमीहरूलाई विश्राम दिनेछु (म तिमीहरूको प्राणलाई हलुका र ताजा बनाउनेछु’ (मत्ती ११:२८) ।
हामीले कसरी परमेश्वरको सामु जानुपर्ने रहेछ त ? विश्वासमा ! बाइबलले बताउँछः ‘विश्वासविना परमेश्वरलाई प्रसन्न पार्नु असम्भव छ । किनकि जो परमेश्वरको नजिक आउँछ, त्यसले …उहाँलाई यत्नपूर्वक खोज्नेहरूलाई उहाँले प्रतिफल दिनुहुन्छ भन्ने पक्का गरी विश्वास गर्नुपर्छ’ (हिब्रू ११:६) । यसको अर्थ हुन्छ, परमेश्वरको सामु आउनुहुँदा, तपाईंले विश्वास गर्नुपर्छ । त्यसो गर्नुभएपछि, तपाईंले उहाँको आनन्द र शान्ति पाउनुुहुनेछ । यी दुई वटा कुराहरू तपाईंको निम्ति परमेश्वरका इच्छा हुन्; क्रुसमा यी कुराहरू किनिएका थिए र यिनीहरूको मूल्य चुकाइएको थियो । ख्रीष्टको कार्य पहिल्यै सम्पन्न भइसकेको छ, अनि अब गर्न बाँकी रहेको एउटै मात्र कार्य भनेको तपाईंले विश्वास गर्नु नै हो । तपाईंले त्यसो गर्नुहुँदा, परमेश्वरले प्रतिउत्तर दिनुहुनेछ र तपाईंलाई सधैँ आशिष् दिनुहुनेछ !
आत्मिक भोजनः १ इतिहास ३: १–४:२३, मर्कूस ३:२०–२५,भजन ११९:१–८, हितोपदेश २०:१५–१८