नेपालको प्राकृतिक श्रोत र सुन्दरतामा भारतको आँखा लागेकै हो त?

समय र परस्थिति अनुसार मानिसहरूका आवश्यक्ता, चाहना फरक फरक हुन्छन्।कतिवटा स्थानहरूमा प्राकृतिक भन्दा पनि कृतिम बस्तुहरू नै बढि देखिन्छन्। यसैमा मानिसहरूको लोकप्रियता बढेको छ  र विकासले निकै फटको मारेको अनुमान पनि लगाइन्छ। कृतिम वस्तुहरू बनाउनेहरूलाई यसको श्रेय पनि जान्छ र भनिन्छ साँच्चिकै वा उस्तै बनाएको है भनेर चमत्कार मानिन्छ पनि। साँचिक्कै वा प्राकृतिक श्रोतहरू हिमाल, हरियाली पहाड, नदि नाला, तालहरू हेरेर मानिसहरू रमाउने गर्छन्, मोबाइल, क्यामेराबाट तस्वीर खिच्न पछि पर्दैनन्। तर अचम्मको कुरा यस्तो राम्रो सृष्टि कसले बनाएको होला भनेर कसैले पनि चासो राख्दैनन्। यो पृथ्वी र थुप्रै थोक सृष्टि गर्नुहुने परमेश्वरले सबै कुरा बनाइसकेपछि हेर्नुभयो साह्रै असल थियो। बाइबलमा उत्पत्ति १ अध्यायको १ पददेखि ३१ पदसम्म सृष्टिको बर्णन गरिएको छ। यदि कसैले पढ्नु भएको छैन भने पढ्नुहोला तपाईंले आकाश र पृथ्वी र पृथ्वीमा भएका सबैकुराको बारेमा जानकारी पाउनुहुनेछ। आकाश, पृथ्वी बनाउनुहुने परमेश्वरलाई प्रशंसा गर्न पनि भुल्नुहुदैन। पछिल्लो समयमा प्रविधि विकास र सहरीकरणले गर्दा प्राकृतिक श्रोतको  संरक्षणमा भन्दा बढि हानी गरिएको पाइन्छ।  प्राकृतिक श्रोतहरूको संरक्षणमा खासै वास्ता गरिदैन। बुझ्नुपर्ने कुरा: हाम्रा वरपर देख्न सकिने प्राकृतिक श्रोतहरू साह्रै राम्रा छन् जसलाई हेर्दा आनन्द र ताजापन महशुस हुन्छ। प्राकृतिक श्रोतको खानी नेपाल अति सुन्दर र विशाल छ। यसबाट यो पनि बुझ्न सकिन्छ परमेश्वरले नेपाललाई धेरै माया गर्नुभएको छ। जसले गर्दा हामी सृष्टीको सुन्दरतालाई हेरेर रमाउछौं, तस्वीर खिच्छौं र नेपाली हुनुमा गर्व पनि गर्छौ। यही प्रसंगलाई शिर्षकमा जोड्दा अहिले भारतले नेपालमा लगाएको नाकाबन्दी प्राकृतिक श्रोत हिमाल, झरणा र खोलामा बगेको पानीको लोभले हो। भारतीय उत्पादन र इन्धनसँग सम्झौता गरेर नेपालको प्राकृतिक श्रोतको प्रयोग गर्ने उद्देश्यले नाकाबन्दी खोल्नको लागि बार्गेनिङ गरेको एउटा कारण भएको कुरा विज्ञहरूबाट मेडियामा आएको छ। संविधान जारी भएयता देशको विकासभन्दा पनि संरक्षण र आपूर्ति सहज कसरी गर्ने भन्ने कुरा यतिबेला चुनौति देखिएको छ। यहाँ राखिएको सुन्दर तस्वीर सुर्खेत घण्टा घरबाट खिचिएको हो। तस्वीर: महेस नेपाली/ नेपालचर्च