गोर्खाली जवानहरूको सम्मेलन भव्यताका साथ् सम्पन्न

कार्तिक ५, गोरखा,

गोर्खाली ख्रीष्टिय युवा एकता संगतिको आयोजनामा बिनय चर्च एघारकिलो गोरखामा जिल्लाव्यापी ख्रीष्टिय जवान सम्मेलन सम्पन्न भएको छ । यहि कार्तिक ३, ४ र ५ गते सम्पन्न भएको उक्त सम्मेलनमा गोरखा जिल्लाका बिभिन्न मण्डलीबाट झन्डै ३५० भन्दा बढी जवानहरूको उपस्थिति रहेको थियो । भूकम्पले गाउँठाउँ अस्तव्यस्त भएका बेलामा पनि टाढाटाढाबाटसमेत् यति ठुलो संख्यामा जवानहरू सहभागी हुनु ठुलो आशिषको कुरा भएको युवा एकता संगतिका अध्यक्ष जेम्स तामाङ बताउनुहुन्छ ।

यस सम्मेलनमा Elias Storhaug र जोमेस तामाङले परमेश्वरको बचनबाट सिकाउनुभएको थियो । आराधना तथा गीतसंगीतमा सबै समय अगुवाई गरेको HRC बैण्डले सम्मेलनको अन्तिम दिन कार्यक्रमस्थलमा नै कन्सर्ट पनि गरेको थियो ।

यस सम्मेलनमा गोर्खाली ख्रीष्टिय समाजका अध्यक्ष्य पास्टर याम बहादुर तामाङको उपस्थितिमा गोर्खाली ख्रीष्टिय युवा एकता संगतिको नयाँ कार्यसमिति पनि गठन गरिएको थियो । जसअनुसार अध्यक्षमा पुन: जेम्स तामाङ तथा सचिवमा राजु कोइराला हुनुहुन्छ ।