अब एन.सी.एफ. नेपालको परिवर्तित नाम नेशनल चर्च एलायन्स अफ नेपाल

[ 0 ] October 17, 2019 |

३० असोज २०७६, ललितपुर । एन.सी.एफ. नेपालका अध्यक्ष रेभ. सुर्य बहादुर बल तामाङले अहिलेको तेस्रो कार्यकालले मुख्य तीन वटा कुराहरू प्रेरितिय विश्वासको सार अनुसार सम्बन्ध सुधार, संगति र सहकार्यको मुख्य लक्ष्य लिई अघि बढिरहेको बताउनु भएको छ ।अध्यक्ष तामाङले यी मुख्य तीन वटा कुराहरुलाई समेटेर लानका निम्ति नेशनल चर्च एलायन्स अफ नेपाल भन्दा सबैकुरा समेटिने र अहिले उद्देश्य पनि पुरा हुन्छ भनेर गत असार ९ गते केन्द्रीय कार्यकारिणी समितिमा निर्णय गरेकोले एन.सी.एफ.नेपालको नाम परिवर्तनको अनुमोदन गरिदिन प्रस्ताव गर्नुभएको थियो । भेलालले सर्वसम्मत परिवर्तित नामलाई पारित गरेको छ ।उहाले अहिलेको अवस्थामा नेपाल ख्रीष्टियन समाजसँग सम्बन्ध स्थापित गरी कार्यगत एकताको सुरुवात गर्नु आफनो लागि स्वर्गको नजिक पुगेको अनुभुति भईरहेको कार्यक्रमको दौरानमा बताउनु भएको थियो । नेपाली मण्डलीमा एक गौरवमय इतिहास बोकेको नेपालको सबैभन्दा पुरानो र नेपाली मण्डलीहरुको ठुलो छाता संगठनको रुपमा परिचित नेपाल राष्ट्रिय मण्डली संगति (एन.सी.एफ.नेपाल) ले आफनो ६० वर्ष पुरा गरी ६१ वर्षमा प्रवेश गरेको अवसरमा एक भब्य समारोहका बीच बार्षिक उत्सब तथा साधारण सभा सम्पन्न भएको छ ।

ललितपुर सानेपास्थित आराधना मण्डलीमा २८-३० गतेसम्म आयोजित कार्यक्रममा ७ वटै प्रदेशका प्रमुखहरु, जिल्ला अध्यक्षहरु र एन.सी.एफ.नेपालमा देशभरबाट आवद्ध मण्डली सदस्य, प्रतिनिधि, पर्यवेक्षक र संघसंस्थाका प्रतिनिधिहरूको उल्लेखनीय प्रतिनिधिमुलक सहभागिता रहेको थियो ।
एन.सी.एफ.नेपाल भन्ने शव्दसँग कतिपय व्यक्तिको मनदेखि नै अप्ठयारो र असहजीलो भईरहेको थियो त्यसैले सबै समेट्दै एक भएर जानको लागि नाम परिवर्तन गरिएको महासचिव पा. शेर बहादुर ए.सी.ले बताउनुभएको छ । उहाँले हामी सबैसँग मिलेर सहकार्य गरी जान तयार भएको र अहिलेको वर्तमान परिस्थितिले पनि हामी एक भएर जान सन्देश दिइरहेकोले यो देशमा हामी ख्रीष्टियनहरू एक भएर ख्रीष्टियनको हक अधिकारको लागि संयुक्त आवाज सरोकारवाला निकायसम्म पु-याउनका लागि यस परिवर्तित नामले सबैलाई एक ठाउँमा ल्याउन र सहकार्य गर्न धेरै सहायता गर्ने कुरामा आफु विश्वस्त रहेको वताउनुभएको छ ।
एन.सी.एफ.नेपालमा देशभरबाट आवद्ध मण्डली सदस्यका प्रतिनिधिहरुले एन.सी.एफ. र एन.सी.एस.को कार्यगत एकता नै सम्बन्ध निर्माण गर्ने पहिलो सुरुवात भएकोले यसले  नेपाली मण्डलीमा एक उत्साह थपेको हुदाँ यो नै एउटा भविष्यको मार्गदशक बन्ने कुरामा खुशी भएको उपस्थित सहभागिहरूले वताएका थिए । ३ दिन सम्म चलेको सो कार्यक्रम तथा साधारण सभाले नेपाली मण्डलीको हितलाई ध्यानमा राखी विभिन्न विषयहरूमा छलफल गरी पारित गर्दै भावी कार्ययोजना निर्माण गरेको छ ।

Facebook Comments

Category: News & Events


Warning: Use of undefined constant Ihrss - assumed 'Ihrss' (this will throw an Error in a future version of PHP) in /home/nepalchu/public_html/wp-content/themes/nc_theme/footer.php on line 4