नेपाल अगुवा सम्मेलन

ललितपुर-२९ चैत, नेपालका विभिन्न जिल्ला धनकुटा, सर्लाही, रौतहट, मकवानपुर, रुकुम, मुगु, प्यूठान, दाङ, नवलपरासी, नुवाकोट, धादिङ, कास्की, काठमाडौ,भक्तपुर र ललिपुरका विभिन्न चर्चहरुबाट पास्टर-अगुवाहरूको उपस्थितिमा नेपाल लिडर्स कन्फरेन्स नवजीवन चर्च, कुपण्डोल ललितपुरमा भएको छ। कन्फरेन्स २६ देखि २९ सम्म भएको हो। कन्फरेन्समा एफिसीको पुस्तकबाट वक्ताहरुले सिकाउनुभएको थियो। किंग्स चर्च यूकेबाट वक्ताहरू इएन, पावल र हेली आउनुभएको थियो।

यो कन्फरेन्स आयोजना गर्न फ्यामीलि अफ गड चर्च र आइटीनले किंग्स चर्च यूकेसँग साझेदारी गरेको हो। यसपटको कन्फरेन्समा नवजीवन चर्चबाट ठूलो सहयोग भएको थियो। प्रतापी घोराही चर्चका पास्टर जीवन गुरुङ र नवजीवन चर्चका पास्टर सुमन गुरुङले नेपालीमा अनुवाद गर्नुभएको थियो। कन्फरेन्समा सेवारत पास्टर-अगुवाहरूको निम्ति आवश्यक शिक्षा ‘बढ्दै गरेको मण्डलीको’ सन्दर्भमा निम्न शिर्षकमा वाक्ताहरूले सिकाउनु भएको थियो:

एफिसीको शिक्षा र त्यसअनुसार जीएको
आफूसँग आत्मिकी सम्पत्ति छ भनी बुझेको
धन्यवादी भएको र बृद्धि भएको
ख्रीष्टमा आफ्नो नयाँ जीवन र उद्देश्यलाई बुझेको
परमेश्वरको प्रेम र उद्देश्यको महानतालाई देखेको
परमेश्वरको बुद्धिको प्रदर्शन, परमेश्वरको प्रेमले पूर्ण हुन्छ
विविधतामा एकतालाई कायम राख्छ
आफैलाई नयाँ तुल्याउँछ
ज्योतिमा हिंड्छ
असल सम्बन्ध कायम राख्छन् र विजयी र फलदायी जीवन जिउँछन्।

१२ वटा विषयमा एफिसी १ अध्यायदेखि ६ अध्यायसम्म पुरा भएको थियो। कन्फरेन्समा प्रश्न उत्तरको समय पनि थियो, त्यसले गर्दा बढ्दै गरेको मण्डली विषयमा भएको सम्मेलन नेपालका मण्डलीका अगुवाहरूको लागि सान्दर्भिक र लाभदाएक भएको कुरा सबै अगुवाहरूले महशुस गर्नुभएको थियो।

सहभागी पास्टर अगुवाहरुलाई सोधिएको “तपाईंको लागि अगुवाहरूसँग कन्फरेन्स कस्तो भयो?” भन्ने प्रश्नको उत्तरमा पास्टर राम बहादुर पुन, घोराही मुक्ति चर्चले भन्नुभयो: “मेरो सेवाकाइको लागि अति लाभदायक भएको छ। बढ्दै गएका चर्चहरूको लागि एफिसीको पत्रबाट राम्रो शिक्षा पायौं।”

कन्फरेन्सको अन्तिम दिन क्षेत्र क्षेत्रका चर्चका पास्टर अगुवाहरूको लागि प्रार्थना र अगमवाणी भएको थियो। प्रार्थनाकै समयमा घोराही मुक्ति चर्चका पास्टर राम बहादुर पुनले गत सालमा भएको अगमवाणी पुरा भएको कुरा वताउनुभएको थियो।