मेक्सिकोको पुएब्ला राज्यबाट पच्चीस सय भन्दा बढी आप्रवासीको उद्धार

माघ २०, २०८० । शनिबार

मेक्सिको सिटी– मेक्सिकोका अधिकारीहरूले जनवरीमा पुएब्ला राज्यमा २ हजार ५ सय भन्दा बडी विदेशी आप्रवासीको उद्धार गरेको ‘नेशनल माइग्रेसन इन्स्टिच्युट’ले शुक्रवार जनाएको छ ।

इन्स्टिच्युटले विज्ञप्ति जारी गर्दै सङ्घीय, राज्य र नगरपालिका स्तरका अधिकारीहरूको समन्वयमा सयौँआप्रवासीको उद्धार गरिएको जनाएको छ ।

ती आप्रवासीहरू ल्याटिन अमेरिका, अफ्रिका र एसियाका ३६ वटा देशबाट आएका थिए । ‘सहायता प्राप्त गर्ने व्यक्तिमा ३०६ महिला र ९८९ वयस्क पुरुषहरू छन् । उनीहरू एक्लै यात्रा गरिरहेका थिए । २९२ परिवारको समूहमा एक हजार २०५ जना र एक किशोरी रहेका छन्,’ विज्ञप्तिमा भनिएको छ ।

महान्यायाधिवक्ताको कार्यालयले मानव बेचबिखनको सम्भावित अपराधका लागि अनुसन्धान सुरु गरेको छ । यसैबीच मानव बेचबिखनको सम्भावित अपराधका लागि पाँच जना मेक्सिकोका नागरिकलाई अपराधमा संलग्न भएको आरोपमा मुद्दा चलाइएको छ ।