चैतमा स्थानीय तहको चुनाव गर्न निर्वाचन आयोगको प्रस्ताव

सोमबार निर्वाचन आयोगका प्रमुख आयुक्त दिनेश थपलियासहितका आयुक्तहरूले प्रधानमन्त्री शेरबहादुर देउवासँगको छलफलका क्रममा चैत ५ भित्र स्थानीय तहको निर्वाचन गर्न प्रस्ताव गरेको हो।

स्थानीय तहका पदाधिकारीहरूको कार्यकाल आगामी जेठ ५ गते सकिँदैछ। कार्यकाल सकिएको ६ महिनाभित्र चुनाव गर्नुपर्ने संविधानमा उल्लेख छ। तर, निर्वाचनसम्बन्धी कानुनमा म्याद सकिनुभन्दा दुई महिनाअघि चुनाव गर्नुपर्ने भनिएकाले जेठ ५ अगावै स्थानीय तहको निर्वाचन गर्न प्रस्ताव गरिएको प्रमुख आयुक्त थपलियाले जानकारी दिए।

आयोगले सिफारिस गरेको प्रस्तावबारे सरकारले उपयुक्त निर्णय गर्ने प्रधानमन्त्री देउवाले दिएका छन्।