घट्दै कोरोना संक्रमणः १२ सय ६८ संक्रमित थपिँदा २१ सय ९५ कोरोनामुक्त

नेपालमा कोरोना संक्रमितभन्दा संक्रमणमुक्त हुनेको दर बढी देखिएको छ। पछिल्लो २४ घण्टामा नेपालमा १२६८ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार सोही अवधिमा २१ सय ९५ कोरोनामुक्त भएका छन्।

मन्त्रालयका अनुसार ६ हजार ७५३ पीसीआर परीक्षणमा १०२४ जना र ३१२२ एन्टिजेन परीक्षणमा २४४ जना गरी १२६८ जनामा संक्रमण पुष्टि भएको हो। सोही अवधिमा ९ जनाको मृत्यु भएको बताइएको छ ।