भीम आर्चाय प्रदेश १ का मुख्यमन्त्री बने

प्रदेश १ को मुख्यमन्त्रीमा भीम आचार्य चयन भएका छन्। मुख्यमन्त्री भएलगत्तै उनले पद तथा गोपनीयताको शपथसमेत लिएका छन्।

प्रदेश प्रमुख सोमनाथ प्यासीले प्रदेश प्रमुखको कार्यालयमा आचार्यलाई शपथ गराएका हुन्। प्रदेश १ को एमाले संसदीय दलको बैठकले आजै उनलाई संसदीय नेता चुनेको थियो।

उनी निवर्तमान मुख्यमन्त्री शेरधन राईको प्रस्तावमा संसदीय नेता बनेका थिए। शपथ हुनुअघि राईले मुख्यमन्त्री पदबाट राजीनामा दिएका थिए।