३१०८ कोरोना संक्रमित थपिँदा २५ जनाको मृत्यु

नेपालमा आज ३१०८ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार १३ हजार १३५ जनाको स्वाब परीक्षण हुँदा सो संख्यामा कोरोना संक्रमित फेला परेका हुन् ।

योसँगै देशभर कोरोना संक्रमितको कुल संख्या एन्टिजेन विधिबाट गरिएको परीक्षणमा ५० हजार ६६४ जना पुगेको छ भने पीसीआर विधिबाट गरिएको परीक्षणमा ६ लाख ७० हजार ९५३ पुगेको छ ।

यस्तै आज २५ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार १५९५ जना संक्रमणमुक्त भएका छन् । यो समेत गरी आजसम्म संक्रमितमध्ये ६ लाख ३४ हजार ९२७ जना संक्रमणमुक्त भएको मन्त्रालयले जनाएको छ । यो सँगै कुल मृतकको संख्या ९ हजार ६०७ पुगेको छ ।