उपत्यकामा हट्यो जोरविजोर प्रणाली, अब सबै सार्वजनिक यातायात चल्ने

काठमाडौं उपत्यकामा निजी तथा सार्वजनिक सवारी साधनमा लगाइएको जोर विजोर प्रणाली हटेको छ ।

काठमाडौं, भक्तपुर र ललितपुर जिल्लाका प्रमुख जिल्ला अधिकारीले असार २२ गतेदेखि लागू हुने गरी जारी गरेको निषेधाज्ञाको आदेशमा जोर विजोर प्रणाली हटाइएको हो ।

सहायक प्रमुख जिल्ला अधिकारी उमाकान्त अधिकारीका अनुसार जोर विजोर प्रणाली हटेको र अब सबै सवारी साधन स्वास्थ्य सुरक्षा मापदण्ड पालना गरेर सञ्चालन गर्न सकिनेछ ।

कोरोना भाइरसको दोस्रो लहर सँगै गत बैशाख १६ देखि काठमाडौं उपत्यकामा पटकपटक म्याद थप गर्दै निषेधाज्ञा जारी गरिएको थियो ।

हेर्नुस् केके खुल्न पाउँछन् केके खुल्न पाउँदैनन्