मंकीपक्स फैलिएपछि डब्लूएचओ द्वारा विश्वव्यापी स्वास्थ्य आपत्काल घोषणा

अफ्रिकाका केही भागमा मंकीपक्स ‘एमपक्स’ फैलिएपछि डब्लूएचओले विश्वव्यापी स्वास्थ्य आपत्काल घोषणा गरेको छ ।

डब्ल्यूएचओका महानिर्देशक टेड्रोस एड्हानोम गेहब्रेयससले अफ्रिकाभित्र र बाहिर फैलिने सम्भावना रहेकाले यसलाई ‘धेरै चिन्ताजनक’ अवस्था भनेका छन् । ‘यो प्रकोप रोक्न र जीवन बचाउन अन्तर्राष्ट्रिय समन्वय आवश्यक छ’, उनले भने।

अत्यधिक संक्रामक मानिने मंकीपक्सले कंगोमा प्रारम्भिक प्रकोपको क्रममा कम्तीमा ४५० जनाको मृत्यु भएको छ । अहिले मध्य र पूर्वी अफ्रिकामा फैलिइरहेको बीबीसीले जनाएको छ ।

ज्वरो, मांसपेशी दुखाइ र ठूलो फोका जस्तै छाला घाउहरु को कारण, यो पहिलो पटक १९७० मा कङ्गोका मानिसहरुमा देखिएको थियो।

यो भाइरस सबैभन्दा पहिले जनावरहरूबाट मानिसमा सरेको भए पनि अहिले मानिसबाट मानिसमा पनि सर्ने गरेको छ ।

यसको प्रारम्भिक लक्षणमा ज्वरो आउने, टाउको दुख्ने, सुन्निने, ढाड दुख्ने र मांसपेशी दुख्ने असर देखा पर्छन् ।

नेपालमा पहिलो पटक २०८० को असारमा एमपक्सको संक्रमण पुष्टि भएको थियो ।

एमपक्स यौन सम्पर्क, छाला र अर्को व्यक्तिसँग कुरा गर्दा वा सास फेर्दा पनि सर्नसक्छ । यसमा फ्लूजस्ता लक्षणहरू देखिन्छन् ।

Source : khabarsainik.com