हिमालय एयरलाइन्सको काठमाडौँ-साङ्घाई उडान सुरु

१६ मंसिर २०८०, शनिबार

काठमाडौँ । हिमालय एयरलाइन्सले चीनको साङ्घाई सहरमा सिधा उडान सुरु गरेको छ । एयरलाइन्सले चीनको ठुलो सहर साङ्घाईमा आजदेखि नियमित उडान प्रारम्भ गरेको हो ।

त्रिभुवन अन्तर्राष्ट्रिय विमानस्थलबाट आज ९ः२० बजे एक सय ३७ यात्रुसहितको हिमालयको जहाज साङ्घाई उडेको हो । काठमाडौँ-साङघाई उडान पाँच घण्टा २० मिनेटको हुनेछ ।

उडानबारे जानकारी हिमालय एयरलाइन्सका उपाध्यक्ष विजय श्रेष्ठले एक पत्रकार सम्मेलनमा दिनुभयो । उहाँले नेपाल–चीन सम्बन्धलाई थप उचाइमा लैजान, व्यावसायिक साझेदारी बढोत्तरीका साथै चिनियाँ पर्यटक भित्र्याउन काठमाडौँ–साङ्घाई हवाई सम्पर्क सञ्जालले टेवा पुग्नेमा विश्वास व्यक्त गर्नुभयो ।

www.khabardainik.com