पृथ्वी दिवस विभिन्न कर्यक्रम गरेर मनाईयो

९ वैशाख २०८०, शनिबार

आज (World Earth Day) पृथ्वी दिवसको अवसरमा ललितपुरको महालक्ष्मी नगरपालिका-८ स्थित स्वास्थ्य चौकी परिसरमा  नेपालका लागि अमेरिकी राजदूत डिन आर थम्पसनले बृक्षारोपण गर्नुभयो ।

यू यन को ६३औं साधारण सभाले प्रत्येक वर्ष अप्रिल २२ को दिनलाई वोर्ल्ड अर्थ डे को रुपमा मनाउने निर्णय गरेको थियो सोहि अनुरुप नेपालमा पनि विभिन्न कार्यक्रम गरी मनाइने गरिन्छ ।

पृथ्वी दिवसको अवसर पारेर आज ललितपुरमा साइकल र्याली पनि गरिएको थियो । नेपाल युएस एलमुनाइ नेटवर्क (नुसान) र इन्स्टिच्युट फर स्ट्राटेजिक एन्ड सोसियो इकोनमिक रिसर्च (आइएसएसआर) को संयुक्त आयोजनामा ललितपुरको पाटन दरबार क्षेत्रदेखि लुभुको महालक्ष्मी मन्दिरसम्म साइकल र्याली गरिएको थियो । उक्त र्यालीमा अमेरिकाका राजदूत डिन थम्पसन पनि सहभागी हुनुहुन्थ्यो ।

कारक्रममा बोल्दै अमेरिकी राजदुत ले भन्नुभयो “नेपाल प्राकृतिक हिसाबले राम्रो देश हो, यो साइकलयात्रा कार्यक्रम गरेको राम्रो हो, वातावरण संरक्षणका लागि विश्वका सबै देशले यस्ता कार्यलाई प्राथमिकता दिनुपर्छ, सबै देशका नागरिक, देश र विश्वकै वातावरणका लागि महत्वपूर्ण छ”,

कार्यक्रममा ललितपुर महानगरपालिकाका प्रमुख चिरिबाबु महर्जनले साइकल र्यालीले ‘स्मार्ट सिटी’ बनाउने महानगरको अभियानलाई सहयोग पुग्ने बताउनुभयो ।