शनिबार । वैशाख २,२०८०
आज शनिबार भएको आईपीएल पहिलो खेलमा दिल्ली क्यापिटल्सले खराब प्रदर्शनको निरन्तरता दिदै लगातार पाँचौ हारका साथ अंकविहीन हुँदै पुछारमा छ । दिल्लीले रोयल च्यालेन्जर्स बेंगलोरसँग २३ रनको हार बेहोरेको छ ।
घरेलु मैदान एम चिन्नास्वामी स्टेडियममा टस हारेर पहिले ब्याटिङ गरेको बेंगलोरले ६ विकेट गुमाएर १७४ रन बनाएको थियो । विराट कोहलीले ३४ बलमा सर्वाधिक ५० रन बनाए । उनले ६ चौका र १ छक्का प्रहार गरे । यसै गरि महिपाल लोम्रोरले २६, ग्लेन म्याक्सवेलले २४ र कप्तान फाप डु प्लेसिसले २२ रन जोडे ।
दिल्लीका मिचेल मार्श र कुलदिप यादवले २-२ तथा अक्षर पटेल र ललित यादवले समान १ विकेट लिए ।
१७५ रनको लक्ष्य पछ्याएको दिल्लीले २० ओभरमा ९ विकेट गुमाएर १५१ रन मात्र बनायो । दिल्लीका मनिस पाण्डेले ३८ बलमा ५ चौका र १ छक्का प्रहार गरी सर्वाधिक ५० रन बनाए । अन्य ब्याटरले उल्लेख्य प्रदर्शन गर्न सकेनन् । दशौँ नम्बरमा ब्याटिङ गरेका बलर एनरिक नोर्कियले १४ बलमा अविजित २३ रन जोडे । अक्षर पटेलले २१ कप्तान डेविड वार्नरले १९ र अमन खानले १८ रन बनाए ।
बेंगलोरका विजयकुमार भइसाकले ४ ओभरमा २० रन खर्चेर ३ विकेट लिए । मोहम्मद सिराजले २ तथा वायने पार्नेल, वानिन्दु हसरंगा र हर्सल पटेलले समान १ विकेट लिए ।
Discussion about this post