पोखरा जहाज दुर्घटना: एक जनाको मात्रै अवस्था अज्ञात

पोखरामा भएको जहाज दुर्घटनामा ७१ जनाको शव फेला परेको छ।

आइतबार बिहान ११ बजे पोखरा महानगरपालिका-१५ स्थित सेतीको खोंचमा यती एयरलाइन्‍सको जहाज दुर्घटनामा परेको थियो।

दुर्घटनाको पहिलो दिन ६३ र दोस्रो दिन सोमबार सातवटा शव र आज एकजनाको गरी ७१ वटा शव फेला पारिएको सहायक प्रमुख जिल्ला अधिकारी अनिल शाहीले जनाउनुभयो । अब एकजनाको मात्र अवस्था अज्ञात रहेको छ ।

एक जना बेपत्ताको खोजी भने भोलिमात्रै गरिने भएको छ। नेपाली सेनाले अहिलेसम्म काठमाडौंमा ४८ जनाको शव ल्याएको छ। २२ वटा शव पोखरामै आफन्तले बुझेर लिएका छन्।