काठमाण्डौँं । कक्षा १२ को परीक्षा जेठ तेस्रो सातादेखि सुरु हुने भएको छ ।
शुक्रबार बसेको परीक्षा बोर्डको बैठकले कक्षा १२ को परीक्षा जेठ १६ गतेबाट सुरु गर्ने निर्णय गरेको राष्ट्रिय परीक्षा बोर्डका प्रवक्ता जङ्गबहादुर अर्यालले जानकारी दिए ।
उनका अनुसार परीक्षा जेठ १६ देखि २५ गतेसम्म सञ्चालन हुनेछ । परीक्षा तालिका सार्वजनिक गर्ने तयारी भइरहेको उनले बताए ।
परीक्षा नियन्त्रक कृष्णप्रसाद शर्माले यो वर्षदेखि कक्षा १२ को परीक्षा होम सेन्टरमा नभई तोकिएका केन्द्रहरूबाट सञ्चालन गरिने जनाएका छन् । विगत दुई वर्ष होम सेन्टरमै परीक्षा गरिएको थियो । परीक्षा बिहान ११ बजेदेखि २ बजेसम्म सञ्चालन हुनेछ ।
कोभिड १९ को संक्रमणबाट बच्न सरकारले तोकेको स्वास्थ्य सुरक्षा मापदण्डको पालना गर्दै परीक्षा सञ्चालन हुने पनि नियन्त्रक शर्माले बताए ।
Discussion about this post