२४ घन्टामा थपिए २८० कोरोना संक्रमित, ६ जनाको मृत्यु

काठमाडौँ । नेपालमा बुधबार २८० जनामा कोरोना संक्रमण पुष्टि भएको छ ।

देशभर गरिएको ९ हजार २१२ पिसिआर परीक्षणका क्रममा २५२ जना र २ हजार ७८२ एन्टिजेन परीक्षणका क्रममा २८ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

योसँगै नेपालमा कोरोना संक्रमितको संख्या ९ लाख २० हजार ८ सय ८९ पुगेको छ ।

कोरोनाका कारण थप ६ जनाको मृत्यु भएको छ । हालसम्म नेपालमा कोरोनाका कारण ११ हजार ५६५ पुगेको छ ।

त्यस्तै कोरोनाका कारण थप ३ सय जना निको हुँदा हालसम्म नेपालमा ८ लाख ७ हजार ८१६ संक्रमित निको भएका छन् । हाल नेपालमा ५ हजार ६ सय ३५ सक्रिय सक्रमित आइसोलेसनमा रहँदा ९५ जना क्वारेन्टिनमा रहेको मन्त्रालयले जनाएको छ ।