थप २४२ जनामा कोरोना संक्रमण, १ जनाको मृत्यु

काठमाडौं- गत २४ घण्टाभित्र नेपालमा थप २४२ जनामा कोरोना भाइरसको संक्रमण पुष्टि भएको छ।

देशभरका प्रयोगशालाहरुमा गरिएको परीक्षणबाट ती संक्रमित पहिचान भएको स्वास्थ्य तथा जनसंख्या मन्त्रालयले जानकारी दिएको छ।

मन्त्रालयका अनुसार कूल सात हजार १३६ जनाको नमूना परीक्षण गर्दा २४२ जनामा कोरोना ‘पोजिटिभ’ देखिएको हो। जसमध्ये पीसीआर विधिबाट गरिएको परीक्षणबाट २०९ र एन्टिजेन विधिबाट ३३ संक्रमित पहिचान भएका छन्।

उक्त अवधिमा कूल चार हजार १४५ जनाको पीसीआर र दुई हजार ९९१ जनाको एन्टिजेन विधिमार्फत् परीक्षण गरिएको थियो।

उक्त अवधिमा कोरोना संक्रमणका कारण एक जनाको मृत्यु भएको मन्त्रालयले जनाएको छ। यसैगरी, ४४४ जना संक्रमितले कोरोना भाइरसलाई जितेका छन्।