२४ घन्टामा १ हजार २८८ जना कोरोना संक्रमणमुक्त

काठमाडौं- पछिल्लो २४ घन्टामा थप १ हजार २ सय ८८ जना कोरोना संक्रमण मुक्त भएका छन्।

बिहीबार स्वास्थ्य तथा जनसंख्या मन्त्रालयले दिएको जानकारी अनुसार देशभरका विभिन्न स्थानमा १ हजार २ सय ८८ जनाले कोरोना संक्रमणलाई जितेका हुन्। मन्त्रालयका अनुसार निको हुने दर ९४ दशमलव ५१ प्रतिशत रहेको छ।

यससँगै नेपालमा कोरोना संक्रमण मुक्त हुनेको संख्या ६ लाख ३७ हजार ६ सय ९० पुगेको छ।

पछिल्लो २४ घन्टामा थप २ हजार ७ सय १४ जनामा संक्रमण पुष्टि हुँदा २४ जनाको मृत्यु भएको मन्त्रालयले जनाएको छ।