लकडाउन लम्बिए पनी केही खुकुलो हुने

काठमाण्डौ – बैशाक २४

सरकारले लकडाउनको समय जेठ ५ गतेसम्म थपेको छ । थपिएको समायमा निश्चित व्यसाय खुल्ने भएका छन।

मन्त्रिपरिषद्को बुधबारको बैठकले धेरै प्रकारका उद्योग खोल्ने, विकास निर्माणका आयोजनाको काम थाल्ने, निर्माण सामग्रीको ढुवानी गर्न दिने लगायत निर्णय भएको छ । यस्तै पुस्तक ओसारपसारको लागि पनि छुट दिने भएको छ ।

सरकारी कार्यालयहरु पनि एक तिहाई कर्मचारीको उपस्थितिमा खुल्ने भएका छन् । यस्तै बढिमा पाँच जना कामदार रहने गरी गाडी मर्मत गर्ने वर्कशप खोल्न पाइने भएको छ ।

यस्तै राजमार्ग र सहायक राजमार्ग क्षेत्रमा स्थानीय प्रशासनको अनुमतिमा होटल रेष्टुरेन्ट खोल्न सकिने निर्णय भएको छ।

सकभर ५० किलोमिटरको दूरीमा पेट्रोल पम्प, रेष्टुरेन्ट र वर्कशप खुलाउन भनिएको छ ।

खोल्न मिल्ने उद्योग हरुमा ण निम्न छन :

खाद्यान्न उत्पादन वा प्रशोधन गर्ने उद्योगहरु, दूध तथा दुग्ध पदार्थ उत्पादन उद्योग, औषधी, सर्जिकल उत्पादन, स्वास्थ्य उपकरण तथा सामग्री उत्पादन गर्ने उद्योगहरु, खाने पानी उत्पादन गर्ने उद्योगहरु, इँटा उद्योग, पशुपंक्षी तथा माछाको दाना र आहारा उत्पादन गर्ने उद्योग, खाने तेल तथा घ्यू उद्योग, चिनी उद्योग, चिया प्रशोधन उद्योग, एलपी ग्याँस उद्योग, प्याकेजिङ्ग सामग्री उत्पादन गर्ने उद्योग, कफी उद्योग, पाउरोटी, बिस्कुट र कन्फेक्सनरी उद्योग, नूडल्स तथा तयारी चाउचाउ उद्योग, मसला उद्योग, अलैंची र अदुवा प्रशोधन उद्योग, कुखुरापालन, बाख्रापालन, बंगुरपालन, गाईवस्तु पालन उद्योग, धान चामल र चिउरा उद्योग, दाल उद्योग, पशु औषधी र किटनासक औषधी सम्बन्धी उद्योग, खानी तथा खनिजजन्य उद्योग, बालुवा प्रशोधन तथा क्रसर उद्योग, सिमेण्ट उद्योग,आइरन तथा स्टिलउद्योग, पेन्टिङ्ग, रंगरोगन उद्योग, जीआइ र प्लास्टिक पाइ र फिटिंग्स उद्योग, बिजुलीका केबल तथा विद्युत्त सामग्रीहरु उत्पादन गर्ने उद्योग, जुुस तथा हल्का पेय पदार्थ उद्योग प्लाइउड र भेनिर उद्योग, विद्युत उत्पादन, विद्युत सामग्री, ट्रान्सफरमर तथा प्रसारणसँग सम्बन्धित उद्योगहरु, जस्तापाता उद्योग, हेभी मेशिनरी औजार मर्मत सम्भार, खनिजजन्य उद्योग र खानीहरु (लाइमस्टोन, खरि, डोलोमाइट, रेडक्ले, फलाम लगायत), स: मिल र काष्ठ उद्योग, आल्मुनियम उद्योग, ग्रिल उद्योग, फोहोर मैला संकलन तथा प्रशोधन उद्योग, ढुवानी तथा कार्गो सेवा उद्योग, मेशिन पार्टपूर्जा, वर्कशप उद्योग, मोटर ग्यारेज वर्कसप उद्योग, छापाखाना तथा प्रेस सम्बन्धी उद्योग, विशेष आर्थिक क्षेत्रमा सञ्चालित सबैखाले उद्योग तथाऔद्योगिक क्षेत्रभित्र रहेका सबैखाले उद्योग रहेका छन् ।

त्यसै गरी बन्द रहाने क्षेत्रहारु निम्न अनुशार छनः

शैक्षिक संस्थाहरु, गैर खाद्यवस्तु विक्री गर्ने व्यवसायिक मल, सिनेमा घर, धार्मिक स्थल, होटल बार तथा रेष्टुरेण्ट, सैलुन लगायत अन्य मान्छेहरुको बढी भीड हुने क्षेत्रहरु।